وزبەكستاننىڭ ولي ءماجىلىسى ەلدىڭ قىلمىستىق كودەكسىنە جانە اكىمشىلىك جاۋاپكەرشىلىك تۋرالى كودەكسكە وزگەرىس پەن تولىقتىرۋ ەنگىزەتىن زاڭ جوباسىن ماقۇلدادى.

قۇجاتقا سايكەس، وزبەكستاندىقتار كەلەسى قۇقىقبۇزۋشىلىقتار ءۇشىن جاۋاپكەرشىلىككە تارتىلاتىن بولادى:

- ۇلتى، ءناسىلى، ەتنيكالىق جانە ءدىني بەلگىلەرى بويىنشا ازاماتتاردىڭ ۇستەمدىگىن نەمەسە تولىمسىزدىعىن ناسيحاتتاۋ;

- زاڭ تارتىبىمەن تىركەلمەگەن نەكەنى ءدىني راسىممەن قيۋ;

- ەكى جانە ودان كوپ ايەلمەن بىرگە تۇرۋدى ناسيحاتتاۋ;

- ايەلدەر مەن ەرلەردىڭ تەڭ قۇقىعىن اشىق تۇردە مويىنداماۋ;

- ازاماتتىڭ بەت-بەينەسىن تانۋعا كەدەرگى كەلتىرەتىن كيىم-كەشەكتى قوعامدىق ورىندا كيىپ ءجۇرۋ.

ايتا كەتەيىك، مەديتسينالىق دياگنوزى بار ادامدارعا جانە قىزمەتتىك مىندەتىن اتقاراتىن ماماندارعا بەت-بەينەنى تۇمشالايتىن كيىم كيۋگە تىيىم سالىنبايدى. بۇدان بولەك، جول قوزعالىسى قاۋىپسىزدىگىن قامتاماسىز ەتۋ كەزىندە، نەمەسە سپورتتىق جانە وزگە دە مادەني-بۇقارالىق شارالار كەزىندە، زاڭمەن رۇقسات ەتىلگەن وزگە دە جاعدايلاردا قولدانىلاتىن ارنايى باس كيىمدەرگە تىيىم قاراستىرىلماعان.

فوتو: اشىق دەرەككوزدەن

Abai.kz