نيكيتا دجيگۋردا دەگەن رەسەيلىك ءانشى ءپۋتينشىل ارىپتەستەرىنەن قالىسپاي قازاقستانداعى رۋسوفوبيا مەن ۇلتشىلدىق تۋرالى ءسوز قوزعاپتى. ول قازاقستانداعى «ءورشىپ كەلە جاتقان رۋسسوفوبيانىڭ كەسىرىنەن» جوسپارلانعان ساپارىنان باس تارتقانىن ايتتى.

«مەن 10 قىركۇيەكتە قازاقستاندا وتەتىن جاقسى ءبىر ءىس-شاراعا قاتىسۋىم كەرەك ەدى. بىراق قازاقستان رەسەيلىك ديپلوماتتى وكىلەتتىگىنەن ايىرىپ، رەسەيگە قيانات جاسادى، ويتكەنى ديپلومات قازاقستاندا رۋسسوفوبيا كۇشەيىپ كەلە جاتقاندىعى تۋرالى بىرنەشە رەت مالىمدەمە جاساعان. ۇلتشىلدار ارانداتۋشىلىق ۇيىمداستىرادى… قىسقاسى، مەن قازاقستانعا بارا المايمىن. فسب-داعى تانىستارىم ماعان ارانداتۋشىلىق بولاتىنىن ءبىلىپ، وندا بارماۋعا كەڭەس بەردى. قازاقستاننىڭ رەسەي فەدەراتسياسىمەن دوستىعىن قۇپتايتىنداردى قولداۋعا دايىنمىن. مەنىڭ ۇستانىمىم بەلگىلى، مەن رەسەي فەدەراتسياسى مەن ءپۋتيندى قولدايمىن. وكىنىشكە قاراي، قازاقستان انگلو-ساكسوندارعا بەرىلۋدە. بۇل كوپ ادام ءۇشىن وكىنىشتى جانە قايعىلى جاعداي»، - دەدى دجيگۋردا.

بۇدان بۇرىن «Z-ءارتىس»، ۋكراين تانكىن جويعان ادامعا 1 ملن رۋبل تولەيمىن دەگەن گريگوري لەپستىڭ قازاقستانداعى كونتسەرتى وتپەي قالعان. سودان سوڭ لەپستىڭ ديرەكتورى «قازاقستان ناعىز رۋسوفوب ەل» دەدى. ساياساتتانۋشى دوسىم ساتپاەۆ وسىنداي ارانداتۋشى «ونەر يەلەرىن» قىلمىستىق جاۋاپكەرشىلىككە تارتۋ كەرەگىن ايتتى.

Abai.kz