سارىاعاشتاعى 5 جاسار قىزدىڭ ولىمىنە قاتىستى كۇدىكتىگە سوت ۇكىمى شىقتى، دەپ حابارلايدى قازاقپارات. 

تۇركىستان وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتى سارىاعاشتاعى 5 جاسار قىزدىڭ ولىمىنە قاتىستى ءىستى قارادى.

وقيعا 13-شىلدە كۇنى بولعان. كۇدىكتى سپيرتتىك ىشىمدىك ىشكەن ماس حالدە ءوزىنىڭ ۇيىنە كەلە جاتىپ، جىنىستىق ءناپسى قۇمارلىعىن قاناعاتتاندىرۋ ءۇشىن ويناپ جۇرگەن 5 جاستاعى قىزدى اۋلاسىنا الداپ كىرگىزگەن. سودان، كۇش قولدانۋ ارقىلى جاس بالاعا سەكسۋالدىق سيپاتتاعى زورلىق-زومبىلىق ارەكەتتەردى جاساعان. ودان ءارى، اسا اۋىر قىلمىسىن جاسىرۋ ءۇشىن قىزدى اسحانا پىشاعىمەن كوكىرەگى مەن ءىش-اۋماعىنان بىرنەشە رەت شانشىلاپ-كەسكىلەپ ولتىرگەن.

سوت ۇكىمى شىمكەنت قالاسى ساۋلە ىقشاماۋدانىندا ورنالاسقان يچ-69 مەكەمەسىندە وقىلدى.

48 جاستاعى سوتتالۋشى «ادام ءولتىرۋ» جانە «سەكسۋالدىق سيپاتتاعى زورلىق-زومبىلىق ارەكەتتەرى» بابى بويىنشا كىنالى دەپ تانىلىپ، قالعان ءومىرىن تەمىر توردىڭ ار جاعىندا وتكىزەتىن بولدى. سونداي-اق، وعان كاستراتسيا جاسالىپ، 100 ملن تەڭگە كولەمىندە مورالدىق وتەماقى تولەۋگە مىندەتتەلدى.

ەسكە سالساق، تۇركىستان وبلىسىنىڭ سارىاعاش اۋدانىندا 5 جاسار قىز بالا كىسى قولىنان قازا بولدى. پرەزيدەنت باس پروكۋراتۋرا مەن ىشكى ىستەر مينيسترلىگىنە قايعىلى وقيعانىڭ ءمان-جايىن مۇقيات تەكسەرۋدى تاپسىرعان بولاتىن.

پىشاق جاراقاتىنان قايتىس بولعان قىزدىڭ دەنەسى سوت-مەديتسينالىق ساراپتامادان وتكەننەن كەيىن 14 شىلدە كۇنى جەرلەندى.

كەيىنىرەك قىزدى زورلادى دەگەن كۇدىكتىنىڭ مۇنىڭ الدىندا ادام ءولتىرىپ، 10 جىل تۇرمەدە وتىرىپ كەلگەنى مالىم بولدى.

وسى ءىس بويىنشا سالعىرتتىق تانىتقان پروباتسيا قىزمەتكەرلەرىن تەكسەرۋ باستالدى.

تۇركىستان وبلىسىنىڭ اكىمى كىسى قولىنان قازا تاپقان 5 جاسار قىزدىڭ وتباسىندا بولىپ، تۋىستارىنا كوڭىل ايتتى.

كۇدىكتىنى 2 اي مەرزىمگە كۇزەتپەن ۇستاۋ تۇرىندەگى بۇلتارپاۋ شاراسى سانكتسيالاندى.

تۇركىستان وبلىسى سارىاعاش اۋداندىق سوتىنىڭ توراعاسىن قىزمەتىنەن بوساتۋ تۋرالى ماسەلە قوزعالدى.

Abai.kz