ماكسيم گالكيننىڭ قازاقستانعا كەلەتىنى تۋرالى اقپاراتتى حالىقارالىق كونتسەرتتىك اگەنتتىكتىڭ باسشىسى الەكسەي پۋچكوۆ راستادى، دەپ حابارلايدى Ulysmedia.kz.

ونىڭ ايتۋىنشا، قازاقستاندا ءارتىستىڭ ەكى كونتسەرتى وتەدى.

"دوستار، بىزدە جاقسى جاڭالىق بار! ماكسيم گالكيننىڭ قازاقستانداعى كونتسەرتتەرى اقىرى وتەتىن بولدى! استانادا 8 قازان كۇنى “قازاقستان” ورتالىق كونتسەرت زالىندا وتەدى. الماتىدا – 9 قازان كۇنى رەسپۋبليكا سارايىندا", - دەپ جازدى پۋچكوۆ.

ەسكە سالايىق، بۇدان بۇرىن رەسەيلىك ءارتىس وزىنىڭ ۇيىمداستىرۋشىلارىمەن بىرگە بىرنەشە ايدان بەرى كونتسەرتتەرىن وتكىزۋگە رۇقسات الۋعا تىرىسىپ جاتقانىن جەتكىزگەن.

«كەيبىر ويدان شىعارىلعان سەبەپتەر، ساحنا سىرتىنداعى تىيىمدار. بيلەتتەردى ساتۋ نە توقتايدى، نە توقتامايدى. تۇسىنەمىن، مەن قانداي دا ءبىر سەبەپتەرمەن قازاقستان بيلىگىنە قاۋىپ توندىرەتىن سياقتىمىن، ولار مەنىڭ كونتسەرتتەرىمدى وتكىزۋدەن سەسكەنەتىن سياقتى. قازىرگى ۋاقىتتا مەنىڭ كونتسەرتتەرىمە تىيىم سالىنعان»، - دەپ شاعىمداندى ماكسيم.

تانىمال ازىلكەش «قازاقستاندى جانە ونىڭ حالقىن جاقسى كورەتىنىن» جانە وسى وقيعاعا وكىنەتىنىن ايتتى.

ايتا كەتسەك، ماكسيم گالكين رەسەي فەدەراتسياسىنىڭ باسشىلىعىن ۋكرايناعا باسىپ كىرگەنى ءۇشىن سىناپ، ەلدەن كەتۋگە ءماجبۇر بولعان. رەسەيدە وعان شەتەلدىك اگەنت مارتەبەسى بەرىلدى.

ءبىر جىلدان استام ۋاقىت بويى گالكين يزرايلدە ونەر كورسەتىپ، رەسەي باسشىلىعىنىڭ كەيبىر شەشىمدەرىن كەلەمەجدەدى.

اللا پۋگاچەۆا كۇيەۋىنىڭ ارتىنان يزرايلگە بارعان. كۇزدە ول بالالارىنا ورالدى.

Abai.kz