ءبىزدىڭ سايت بۇعان دەيىن بۇرىنعى پرەزيدەنتتىڭ قارىنداسى ءانيپا نازارباەۆانىڭ بار-جوعى 3450 ء(ۇش مىڭ ءتورت ءجۇز ەلۋ) تەڭگە باج سالىعىن تولەۋمەن باۋىرىنا باسقان كوللەدجدەن ايىرىلعانى تۋرالى جازعان بولاتىن.

ەندى تىقىر وسى ۋاقىتقا دەيىن اسىعى الشىسىنان ءتۇسىپ كەلە جاتقان ەكس-پەرەزيدەنتتىڭ كۇيەۋ بالاسى تيمۋر قۇلىباەۆقا دا تايانعان سياقتى. بۇلاي دەيتىنىمىز.

استانا قالاسىنىڭ «باسەكەلەستىكتى قورعاۋ جانە دامىتۋ اگەنتتىگى» (بقدا) «تەك-كازاحستان» جشس ساۋدا ۇيىندەگى جانار-جاعار ماي ساۋداسىنداعى جوعارعى باعا بەلگىلەۋ مەن قىزمەت كورسەتۋ سالاسىنداعى مونوپوليا ورناتۋشىلىققا قاتىستى بىلىق-شىلىقتىڭ بەتىن اشتى.

وسىعان وراي اكىمشىلىك قۇقىق بۇزۋشىلىقتى قاراستىراتىن اۋدانارالىق سوت ءوزىنىڭ 20 ساۋىردەگى شەشىمىمەن «تەك-كازاحستان» جشس ساۋدا ۇيىنە 1,6 ملرد تەڭگە ايىپپۇل سالعان بولاتىن.

بىراق بۇل ساۋدا ءۇيىنىڭ ناعىز يەسى بيزنەسمەن تيمۋر قۇلىباەۆ بولىپ تابىلادى. اقىرى 24 مامىردا قايىرا وتكەن سوتتا ساۋدا ءۇيى سوت شاعىمىن كەرى قايتارا الماي، سالىنعان ايىپپۇلدى اقىرى تاياۋدا عانا تولەپ قۇتىلدى. وسىندايدا، «ەندىگى كەزەك حالىقتان جەگەنىن قۇساتىن نۇرسۇلتاننىڭ قاي تۋىسىنىكى؟» دەگەن ويعا قالاسىڭ.

Abai.kz