ەلىمىزدە 2 مىڭنان استام ادام ءىز-ءتۇزسىز جوعالعان
باس پروكۋراتۋرانىڭ ءباسپاسوز قىزمەتى قازاقستاندا 2,1 مىڭ ادامنىڭ ءىز-ءتۇزسىز جوعالىپ كەتكەنىن، 11 مىڭعا جۋىق ادام ىزدەۋدە جۇرگەنىن حابارلادى.
رەسمي ستاتيستيكا بويىنشا قازىر 10 748 ادامعا ىزدەۋ جاريالانعان، ونىڭ 2 176-سى ءىز-ءتۇزسىز جوعالىپ كەتكەندەر.
حابار-وشارسىز كەتكەندەردىڭ كوپشىلىگى الماتى قالاسى (287), قاراعاندى وبلىسى (221) پاۆلودار وبلىسى (170), الماتى وبلىسىندا (167) تىركەلگەن.
جوعالىپ كەتكەندەردىڭ كوبى 30 بەن 49 جاس ارالىعىنداعى ەر ادامدار (77%), تەرگەۋ مەن سوتتان 2372 ادام قاشىپ كەتكەن.
Abai.kz
