مەملەكەت باسشىسى قاسىم-جومارت توقاەۆ تاجىكستان پرەزيدەنتى ەمومالي راحمونمەن كەلىسسوز جۇرگىزدى.

قازاقستان مەن تاجىكستان پرەزيدەنتتەرى ەكىجاقتى قاتىناستاردىڭ قازىرگى جاعدايى مەن پەرسپەكتيۆاسىن، سونداي-اق بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى. كەزدەسۋدە ساۋدا-ەكونوميكالىق، كولىك-لوگيستيكالىق جانە مادەني-گۋمانيتارلىق سالالارداعى ىنتىماقتاستىققا باسا ءمان بەرىلدى.

ەكى ەل باسشىلارى ستراتەگيالىق سەرىكتەستىك پەن وداقتاستىقتى ودان ءارى نىعايتۋعا ءوزارا نيەتتى ەكەنىن راستادى. سونىمەن قاتار، پرەزيدەنتتەر وڭىرلىك كۇن تارتىبىندەگى وزەكتى ماسەلەلەردى قاراستىردى.

ساپار اياسىندا قازاقستان پرەزيدەنتى ورتالىق ازيا مەملەكەتتەرى باسشىلارىنىڭ V كونسۋلتاتيۆتىك كەزدەسۋىنە جانە حالىقارالىق ارالدى قۇتقارۋ قورىنىڭ قۇرىلتايشى مەملەكەتتەر باسشىلارى كەڭەسىنىڭ وتىرىسىنا قاتىسادى دەپ جوسپارلانىپ وتىر.

Abai.kz