اقش-تىڭ مەملەكەتتىك دەپارتامەنتى رەسەيدىڭ سولتۇستىك كورەيامەن بۇۇ-نىڭ قاۋىپسىزدىك كەڭەسىنىڭ رەزوليۋتسياسىنا قايشى كەلەتىن باعدارلاماسى بويىنشا كەلىسسوز جۇرگىزۋى "قاۋىپتى" دەپ مالىمدەدى.

"قارىم-قاتىناستى كەڭەيتىپ جاتقانىنا قاراعاندا، بۇل اسكەري تۇرعىدان بولۋى مۇمكىن. بۇل قاۋىپتى ءارى بۇۇ-نىڭ قاۋىپسىزدىك كەڭەسىنىڭ كوپتەگەن رەزوليۋتسيالارىنا قايشى كەلەدى",- دەدى مەملەكەتتىك دەپارتامەنت سپيكەرى مەتيۋ ميللەر پۋتين مەن كيم چەن ىننىڭ كەلىسسوزى جايىندا.

13 قىركۇيەكتە امۋر وبلىسىنداعى "ۆوستوچنىي" ايلاعىندا رەسەي پرەزيدەنتى ۆلاديمير پۋتين مەن سولتۇستىك كورەيا باسشىسى كيم چەن ىن اراسىندا 4 ساعات بويىندا كەلىسسوز ءوتتى.

وندا رەسەي سىرتقى ىستەر ءمينيسترى سەرگەي لاۆروۆ ماسكەۋ مەن پەكين سولتۇستىك كورەياعا قارسى سالعان سانكتسيالاردىڭ ءبارىن الىپ تاستايدى دەپ مالىمدەگەن. سەبەبى ول "باسقا گەوساياسي جاعدايدا قابىلدانعان" دەگەن.

سولتۇستىك كورەياعا قارسى يادرولىق جانە زىمىران باعدارلاماسىن دامىتىپ جاتقانى ءۇشىن بۇۇ-نىڭ قاۋىپسىزدىك كەڭەسى تاراپىنان سانكتسيا سالىنعان. وعان قىتاي مەن رەسەي مۇشە.

13 قىركۇيەكتە كيم چەن ىن ماسكەۋمەن قارىم-قاتىناستى دامىتقىسى كەلەتىنىن مالىمدەپ، ءپۋتيننىڭ شەشىمدەرىن ءاردايىم قولدايمىن دەگەن.

سولتۇستىك كورەيا سيريادان كەيىن ماسكەۋدىڭ ۋكرايناعا باسقىنشىلىعىن اشىق قولداعان ەكىنشى ەل.

Abai.kz