تايلاند قازاقستانعا ۋاقىتشا ۆيزاسىز جۇرۋگە رۇقسات بەرمەك
قازاقستان ازاماتتارى تايلاندتا 30 كۇنگە دەيىن ۆيزاسىز جۇرە الادى. ۇزاق ساپارلار ءۇشىن ءتيىستى ۆيزانى رەسىمدەۋ قاجەت، دەپ حابارلادى قر سىرتقى ىستەر مينيسترلىگى.
ەكىجاقتى ىنتىماقتاستىقتى نىعايتۋ جانە ءتۋريزمدى دامىتۋ ماقساتىندا تايلاند كورولدىگىنىڭ ۇكىمەتى 2023 جىلعى 25 قىركۇيەكتەن باستاپ 2024 جىلعى 29 اقپانعا دەيىن قازاقستان رەسپۋبليكاسىنىڭ ازاماتتارى ءۇشىن ۋاقىتشا ۆيزاسىز رەجيمدى ەنگىزەدى.
جارامدى جول ءجۇرۋ قۇجاتى – قر ازاماتىنىڭ پاسپورتى، ونىڭ قولدانىلۋ مەرزىمى شەكارانى ءوتۋ كەزىندە 6 ايدان اسۋى ءتيىس.
Abai.kz
