وسكەمەندە «Fresh Market» اتتى ساۋدا-لوگيستيكالىق ورتالىعى اشىلماق. ساتپاەۆ داڭعىلىنىڭ قالانىڭ نەگىزگى بولىگى مەن جىبەك ماتالار كومبيناتىن جالعاپ تۇرعان تۇسىندا بوي كوتەرىپ كەلە جاتقان ساۋدا ورنىنىڭ عيماراتى تامىزدىڭ اياعىندا قولدانىسقا بەرىلمەك. ورتالىق تەك اۋىل شارۋاشىلىق ونىمدەرىنە ارنالىپ وتىر.

«ازىق-تۇلىك ءونىمىنىڭ قاۋىپسىزدىگى» مەملەكەتتىك باعدارلاماسى اياسىندا وبلىس اكىمى بەردىبەك ساپارباەۆتىڭ تىكەلەي قولداۋىمەن اشىلاتىن ساۋدا نۇكتەسى بىرنەشە ماقساتتى كوزدەپ وتىر. بۇل ورتالىقتى ەۋروپالىق ۇلگىدەگى زاماناۋي ازىق-تۇلىك بازارى دەسە دە بولادى.

وسكەمەندە «Fresh Market» اتتى ساۋدا-لوگيستيكالىق ورتالىعى اشىلماق. ساتپاەۆ داڭعىلىنىڭ قالانىڭ نەگىزگى بولىگى مەن جىبەك ماتالار كومبيناتىن جالعاپ تۇرعان تۇسىندا بوي كوتەرىپ كەلە جاتقان ساۋدا ورنىنىڭ عيماراتى تامىزدىڭ اياعىندا قولدانىسقا بەرىلمەك. ورتالىق تەك اۋىل شارۋاشىلىق ونىمدەرىنە ارنالىپ وتىر.

«ازىق-تۇلىك ءونىمىنىڭ قاۋىپسىزدىگى» مەملەكەتتىك باعدارلاماسى اياسىندا وبلىس اكىمى بەردىبەك ساپارباەۆتىڭ تىكەلەي قولداۋىمەن اشىلاتىن ساۋدا نۇكتەسى بىرنەشە ماقساتتى كوزدەپ وتىر. بۇل ورتالىقتى ەۋروپالىق ۇلگىدەگى زاماناۋي ازىق-تۇلىك بازارى دەسە دە بولادى.

«ءبىزدىڭ نىسان اۆتوكولىك قويۋعا ىڭعايلىلىعىمەن، ساۋدا جاساۋعا ارنالعان جەرىنىڭ تۇبەگەيلى ويلاستىرىلعاندىعىمەن، وندا ساتىلاتىن تاۋارلار قولايلى تەمپەراتۋرالى رەجيمدە ساقتالۋىمەن، مەملەكەتتىك ۆەتەرينارلىق زەرتحاناسىنىڭ، سونىمەن قاتار توڭازىتقىش جانە مۇزداتقىش كامەرالارىمەن جابدىقتالعان قويماسىنىڭ بولۋىمەن ەرەكشەلەنەدى، - دەيدى وسى ورتالىقتىڭ ءباسپاسوز قىزمەتىنىڭ جەتەكشىسى امانگەلدى وشاقوۆ. بۇعان قوسا، اتى اتالعان ساۋدا ورتالىعى كاسىبي كۇزەت، بەينەباقىلاۋ، تۇتىنۋشىلاردى تەگىن اربا مەن سەبەت بەرۋ قىزمەتىمەن قامتاماسىز ەتەتىن بولادى. «Fresh Market» ساۋدا-لوگيستيكالىق ورتالىعى ساتىپ الۋشىلار مەن جالعا الۋشىلارعا ساپالى قىزمەت كورسەتۋگە جاعداي جاساۋ ءۇشىن ساۋدانى جابدىقتاۋ جانە ازىق-تۇلىك ونىمدەرىن ساقتاۋعا ارنالعان بارلىق قاجەتتى ينفراقۇرىلىممەن قامسىزداندىرىلماق. جوسپار بويىنشا ىسكە اسىرىلىپ جاتقان ورتالىقتىڭ ىشىندە ەت، ءسۇت، بالىق، جەمىس-جيدەك، كوكونىس ونىمدەرى، ءدامدى تاعامدار جانە دە كونديتەر ونىمدەرىن ساتۋعا ارنالعان ساۋدا ورىندارى بولادى دەپ جوسپارلانعان.

ساۋدا-لوگيستيكالىق ورتالىق دەپ اتى ايتىپ تۇرعانداي، ەڭ باستىسى، بۇل جەردە اۋىل شارۋاشىلىق ءونىمىن تۇرعىندارعا جەتكىزۋ ىسىندە دەلدالداردىڭ كيلىگۋىنە توسقاۋىل قويىلماق. مۇنداعى جۇيە تىم قاراپايىم. ول جۇيەمەن جۇمىس ىستەۋ، اسىرەسە، ىرىلەنگەن شارۋا قوجالىقتارى ءۇشىن اسا ءتيىمدى بولماق. سەرىكتەستىكپەن بەلگىلى ءبىر مەرزىمگە كەلىسىمشارتقا وتىرۋ ارقىلى شارۋا ءوز ءونىمىن ۇزاق مەرزىم بويى ساۋدالايتىن ورىنعا يە بولادى. قاراپايىم تىلمەن ايتقاندا، بۇل ساۋدا ورتالىعىنا وبلىسىمىزدىڭ كەز كەلگەن كاسىپكەرى نەمەسە شارۋا قوجالىعىنىڭ وكىلى ءوز ونىمدەرىن اكەلىپ، ونى ءوز قولىمەن ساتا الادى.      ساۋدا ورىنىمەن بىرگە وعان ءونىمدى قاجەتتى تەمپەراتۋرادا ساقتاۋ مۇمكىندىگى دە بەرىلەدى. لوگيستيكالىق ورتالىق تاڭعى توعىزدان تۇنگى ونعا دەيىن اشىق تۇرادى. بارلىق ساۋدالاناتىن ءونىم دەربەس زەرتحانانىڭ تەكسەرۋىنەن وتكەننەن كەيىن عانا سورەگە قويىلادى. بۇل نىسان اۋىل شارۋاشىلىق ءونىمىن ساۋدالاۋ ىسىندە شىنايى باسەكە قالىپتاستىرۋعا الەۋەتتى بىردەن ءبىر ورتالىق بولماق. وسى باسىمدىقتاردى ەسكەرگەن وبلىس باسشىلىعى عيماراتتىڭ ينفراقۇرىلىمىن تۇزۋگە قارجى بولگەن. ساۋدا ۇيىنە كەلۋشىلەرگە ارناپ اۆتوبۋس ايالدامالارى دا ورناتىلماق. مۇنداعى ساۋدا نۇكتەسىن جالعا الۋ قۇنىنىڭ ناقتى قانشا بولاتىنى ءالى بەلگىسىز. الايدا ورتالىق وكىلدەرى كەلەشەكتە مۇنداعى ونىمدەردىڭ قالاداعى وزگە ساۋدا ورىندارىنان تومەن باعادا ساتىلاتىنىن ايتادى. ساۋدا ورتالىعى جايىندا تولىعىراق مالىمەت العىسى كەلگەن ادامدار 87232 265006 نومىرىنە حابارلاسۋىنا بولادى.

اباي-اقپارات