جاسىرىن بۇلاق كوزدەرىنە سەنەر بولساق، شوس جانە ۇقشۇ (ودكب) قازاققا قۇرىلعان قاقپان بولىپ تابىلادى. جانە وسى ەكى ۇيىمنىڭ تىزگىنى رەسەي مەن قىتاي قولىندا ەكەنى امبەگە ايان.

وسى ەكى ۇيىمدى قۇرۋشى اتالعان قوس ەل ورتالىق ازيانى ءبولىسۋدى كوزدەيدى-مىس دەگەن اقپارات تاراي باستادى. قازاقستاندا «ءتۇرلى-ءتۇستى رەۆوليۋتسيا» بولاتىن بولسا، قحر دا، رف دە اسكەر كىرگىزە الادى جانە وسى اسكەردىڭ ەلىمىزدەن شىعۋى ەكى تالاي.

قوس ەلدىڭ بارلاۋى كارىم ءماسىموۆتى ءوز پيعىلدارىنا پايدالانا الدى. جۋرناليست دانيار مولدابەكوۆ «پياتوە يانۆاريا» تەلەگرام ارناسىنا وسى قىتاي مەن رەسەي ويعا العان جوسپاردىڭ پەشكەسى بولعان بۇرىنعى پرەزيدەنت نۇرسۇلتان نازارباەۆتىڭ نەمەرە ءىنىسى سامات ءابىش تۋرالى جارتىلاي اقيقاتتى عانا جاريا ەتتى.

بولىپ وتكەن سوت پروتسەسى كەزىندە ۇقك 5-ءشى دەپارتامەنتىنىڭ بۇرىنعى باستىعى رۋسلان ىسقاقوۆ قاڭتار وقيعاسى كەزىندە وزىنە بۇرىنعى پرەزيدەنت نۇرسۇلتان نازارباەۆتىڭ نەمەرە ءىنىسى سامات ءابىش بۇيرىق بەرگەنىن ايتقان بولاتىن. جانە ءبىر قىزىعى «ديكي ارمان» دەيتىن لاقاپ اتىمەن ءمالىم ارمان جۇماگەلديەۆتى قاماۋ تۋرالى تاپسىرما شەتەلدەن تۇسكەنى ءبىراز نارسەنىڭ باسىن اشادى. رەسەي ۋكرايناعا شابۋىلى الدىندا قحر قازاق جەرىن بولىسپەكشى بولعان سىڭايلى. بىراق وعان تۇركيا بارلاۋى توسقاۋىل بولدى دەگەن الىپ-قاشپا ءسوز ايتىلا باستادى. بۇعان سەبەپ «ديكي ارماننىڭ» جەكە باسىنا قاتىستى وقيعا.

سوندا بالەنى باستاعان كارىم ءماسىموۆ پەن سامات ءابىش «قوسار تىڭشىلار» بولعانى ما دەگەن زاڭدى سۇراق تۋادى؟ بۇل قوس فيگۋرا ءالى تالاي جۋرناليستىك زەرتتەۋلەرگە ارقاۋ بولارى انىق.

ەندى قىتاي مەن رەسەي تاعى ءبىر ويران سالىپ، «حالىق ءدۇمپۋىن» تۋدىرۋ ءۇشىن كىمدەردىڭ شابىنان ءتۇرتۋدى ماقسات ەتكەلى وتىر؟ شىعار جول بىرەۋ – قازاقستان وسى ءبىر قوس ۇيىمنان شىعۋعا ءتيىس. ەسەسىنە اقش پەن تۇركيا قولداۋىنا قول جەتكىزۋدىڭ بەيبىت مامىلەگەرلىك جولىن ىزدەسىرۋگە بۇگىنگى بيلىك تەز ارادا كوشپەسە، قاڭتاردان دا اۋىر وقيعا تاۋەلسىزدىگىمىزگە قاۋىپ توندىرەرى انىق.

Abai.kz