الماتىنىڭ تۇركسىب اۋداندىق سوتىندا قازاقستاندىق ءانشى تورەعالي تورەالىگە قاتىستى قىلمىستىق ءىس قارالىپ جاتىر.

الماتى قالالىق سوتىنىڭ ءباسپاسوز قىزمەتى ءمالىم ەتكەندەي، تۇركسىب اۋداندىق سوتىندا ت.اليحانوۆقا (تورەعالي تورەالىگە) قاتىستى قر قىلمىستىق كودەكسىنىڭ 378-بابىنىڭ 1-بولىگى بويىنشا قىلمىستىق ءىس قارالىپ جاتىر.

ايتا كەتسەك، قر قىلمىستىق كودەكسىنىڭ 378-بابى 1-بولىگىنە سايكەس، بيلىك وكiلiن ءوز قىزمەتتiك مiندەتتەرiن اتقارۋ كەزiندە نەمەسە ولاردى اتقارۋىنا بايلانىستى قورلاۋ – 80 ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نەمەسە 80 ساعاتقا دەيىنگى مەرزىمگە قوعامدىق جۇمىستارعا تارتۋ نە بولماسا 20 تاۋلىككە دەيىنگى مەرزىمگە قاماۋعا الۋ قاراستىرىلعان.
ەسكە سالا كەتەيىك، 14 ماۋسىم كۇنى الماتىدا ەسىرتكىگە ماسايعان كولىك جۇرگىزۋشى پوليتسەيلەرگە بوي بەرمەي، وقيعاعا ورنىنان قاشپاق بولعان.

پاترۋلدىك پوليتسيا قىزمەتكەرلەرى جۇرگىزۋشىنى ۇستاپ، مەديتسينالىق ساراپتاما ناتيجەسىندە ونىڭ ەسىرتكىگە ماس ەكەنى راستالدى. سول كۇنى كولىك جۇرگىزۋشى اكىمشىلىك جاۋاپقا تارتىلدى. ول 20 تاۋلىككە قاماۋعا الىنىپ، 7 جىلعا كولىك جۇرگىزۋ قۇقىعىنان ايىرىلدى.
كەيىن الماتى قالالىق سوتىنىڭ ءباسپاسوز قىزمەتى تورەعالي ءتورالىنىڭ قاماۋدا ۇستاۋ اكىمشىلىك جازاسى 17 شىلدە كۇنى اياقتالعانىن مالىمدەدى.

Abai.kz