وڭتۇستىك كورەيادا 18-قاباتتاعى پاتەردىڭ توبەسىن بوياعالى جاتقان قازاقستاندىق ەر ادام جەرگە قۇلاپ كەتىپ كوز جۇمدى.

«21 قىركۇيەك تاڭعى ساعات 8:25-تە كيمحە قالاسىنداعى كانتو-دونگتاعى پاتەردى بوياۋ جۇمىستارىنا دايىندالۋ ءۇشىن قورعانىس جولاعىن ورناتقان قازاقستان ازاماتى 18-قاباتتان جەرگە قۇلادى. جازاتايىم وقيعادان كەيىن قازاقستاندىق اۋرۋحاناعا جەتكىزىلدى، الايدا دارىگەرلەر ونىڭ ءومىرىن ساقتاپ قالا المادى»، - دەپ حابارلادى idomin.com جەرگىلىكتى پوليتسياعا سىلتەمە جاساپ.

سونداي-اق جەرگىلىكتى باسىلىم بۇل كاسىپورىننىڭ مۇنداي وقيعا ءۇشىن زاڭ اياسىندا جازالانبايتىنىن اتاپ ءوتتى، ويتكەنى وندا جۇمىس ىستەيتىندەر سانى 50-گە دە جەتپەيدى.

پوليتسيانىڭ مالىمەتىنشە، قازاقستاندىق ەر ادام وڭتۇستىك كورەيادا زاڭسىز جۇرگەن. ول ەلگە تۋريستىك ۆيزامەن كىرگەن.

سونىمەن بىرگە، جەرگىلىكتى پوليتسيا بۇل جازاتايىم وقيعانى ەگجەي-تەگجەيلى زەرتتەيتىنىن، اسىرەسە جابدىقتىڭ توزۋى مەن كومپانيا باسشىلىعىنىڭ قاۋىپسىزدىك ەرەجەلەرىن ساقتاۋىن تەكسەرەتىنىن مالىمدەگەن.

فوتو: عالامتوردان

Abai.kz