اسكەري پاكەت اياسىندا كيەۆكە 155 مم ارتيللەريالىق جۇيە، مينومەتكە ارنالعان وق-ءدارى، AT-2 مينالىق راكەتالارى دا بەرىلەدى.

بۇعان قوسا، ۋكرايناعا قىستا جۇرەتىن اسكەري تەحنيكا، بۇعان دەيىن جەتكىزىلگەن تەحنيكاعا ارنالعان بولشەكتەر، كولىك قۇرالدارى مەن 50 درون جەتكىزىلەدى.

گەرمانيا ۋكراين اسكەرىن وقىتۋدى توقتاتپايدى.

"جىلدىڭ سوڭىنا دەيىن 10 مىڭ ۋكراين اسكەري قىزمەتكەرى وقۋىن اياقتايدى. قازىرگى كەزدە باسشىلىق قۇرامدى: توپ، ۆزۆود، روتا كومانديرلەرىن دايىنداۋعا باسا نازار اۋدارىلىپ جاتىر " دەپ جازىلعان گەرمانيا قورعانىس مينيسترلىگىنىڭ حابارلاماسىندا.

اسكەري كومەك تۋرالى شەشىم "رامشتاين" فورماتىندا وتكەن 15-وتىرىستىڭ ناتيجەسىندە قابىلداندى. قازىرگى كەزدە ۋكرايناعا كومەك بەرۋ جاعىنان گەرمانيا ەۋروپادا – ءبىرىنشى ورىن، الەم بويىنشا اقش-تان كەيىن ەكىنشى ورىندا تۇر.