جەرگىلىكتى ۋاقىتپەن ساعات 2:43-تە تجم-عا ءورت تۋرالى حابار كەلىپ تۇسكەن. جارىلىستان كەيىن تاشكەنتتىڭ سىرگەلى اۋدانىنداعى قويمادا ءورت شىقتى. زارداپ شەككەندەر بار. جەلىلەردەگى بەينەجازبالاردا ءۇي مەن باسقا دا زاتتاردىڭ قاتتى زاقىمدالعانىن كورۋگە بولادى. قازىر ءتىلسىز جاۋ اۋىزدىقتالدى. ءورت ءسوندىرۋ جۇمىستارى جالعاسىپ جاتىر.

وقيعا ورنىنا 16 ءورت ءسوندىرۋ بريگاداسى مەن 3 جۇك كولىگىنىڭ جۇرگىزۋشىسى ساعات 02:48-دە جەتكەن.

الەۋمەتتىك جەلىدە تاراعان ۆيدەولاردان قاتتى جارىلىس ەستىلەدى. جاقىن ماڭداعى ۇيلەر، ساۋدا جانە باسقا دا ورتالىقتار ايتارلىقتاي زارداپ شەككەن. جەدەل جاردەم پاتەرلەردى دە ارالاپ ءجۇر.

تجم وقيعانىڭ ۇشاق اپاتى سالدارىنان بولعانى تۋرالى اقپاراتتى جوققا شىعاردى.

دەنساۋلىق ساقتاۋ ءمينيسترىنىڭ مالىمەتىنشە، جارىلىس سالدارىنان زارداپ شەككەندەر رەسپۋبليكالىق جەدەل مەديتسينالىق جاردەم عىلىمي ورتالىعى مەن ونىڭ تاشكەنت وبلىسىنداعى فيليالىنا جەتكىزىلگەن.

«ازىرگە ولاردىڭ اراسىندا اۋىر جاراقات العاندار جوق. دارىگەرلەر زارداپ شەككەندەرگە بارلىق قاجەتتى مەديتسينالىق كومەك كورسەتىپ جاتىر»، - دەلىنگەن حابارلامادا.

جارىلىستىڭ سەبەبى انىقتالعان جوق. ءورت ءالى تولىعىمەن سونبەدى. زارداپ شەككەندەر مەن زاقىمدانعان كولىكتەر سانى انىقتالىپ جاتىر.

فوتو: اشىق دەرەككوزدەن

Abai.kz