تۇركى ينۆەستيتسيالىق قورى: سەنات زاڭدى قارايدى
سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار 5 قازان كۇنى بولاتىن سەنات وتىرىسىنىڭ كۇن ءتارتىبىن بەكىتتى، دەپ حابارلايدى سەناتتىڭ ءباسپاسوز قىزمەتى.
سوعان سايكەس سەناتورلار پالاتا وتىرىسىندا «تۇركى ينۆەستيتسيالىق قورىن قۇرۋ تۋرالى كەلىسىمدى راتيفيكاتسيالاۋ تۋرالى» زاڭدى قارايدى. بۇل قور وڭىرىشىلىك ساۋدانى كەڭەيتۋدى جانە ەكونوميكالىق قىزمەتكە قولداۋ كورسەتۋ ارقىلى ۇيىمعا مۇشە مەملەكەتتەردىڭ ەكونوميكالىق دامۋىنا ىقپال ەتۋدى كوزدەيدى.
سونىمەن قاتار دەپۋتاتتار الداعى بەيسەنبىدە «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى تاراپتار مەملەكەتتەرىنىڭ ازاماتتارىنا قاتىستى اقپارات الماسۋ تۋرالى كەلىسىمدى راتيفيكاتسيالاۋ تۋرالى» زاڭدى قارايدى. اتالعان كەلىسىم كوشى-قوندى باقىلاۋدىڭ تيىمدىلىگىن ارتتىرۋعا جانە ەكى ەلدىڭ ىنتىماقتاستىعىن نىعايتۋعا ىقپال ەتپەك.
سونداي-اق وتىرىس كەزىندە ءماجىلىس قابىلداعان زاڭدار جۇمىس ءۇشىن سەناتتىڭ تۇراقتى كوميتەتتەرىنە ءبولىنىپ بەرىلدى.
Abai.kz
