“جاۋاپ كوپ كۇتتىرمەدى: ادۆوكاتتىڭ شاعىمىن قاراۋدان باس تارتتى. كونستيتۋتسيالىق سوت «سوت اكتىلەرىندە قىلمىستىق ءىس جۇرگىزۋ كودەكسىنىڭ داۋلى نورمالارىن سوتتاردىڭ تىكەلەي قولدانۋىنا ەشقانداي سىلتەمەلەر جوق» دەگەنگە سىلتەمە جاسايدى. ۇندەۋدە بارلىق سىلتەمەلەر مەن قۇجاتتار كورسەتىلگەنىن ەش ەسكەرمەگەن”، – دەيدى ينگا يمانباي.

ادۆوكات كەنجەباەۆ تاعى دا كونستيتۋتسيالىق سوتقا شاعىمدانباقشى، سودان كەيىن جوعارعى سوتقا كاسساتسيالىق شاعىم دايىنداۋعا نيەتتى.

“ودان كەيىن بۇۇ-نىڭ ادام قۇقىقتارى جونىندەگى كوميتەتى – ادىلدىككە قول جەتكىزە الاتىن جالعىز حالىقارالىق ورگان قالادى. ول مۇمكىندىكتى دە پايدالانامىز. جانبولات تولىق اقتالعانشا كۇرەستى توقتاتپايمىز!”، – دەپ جازدى جۋرناليست.

ەسكە سالايىق، سوت جانبولات مامايدى 6 جىلعا شارتتى تۇردە . وعان قوعامدىق-ساياسي جۇمىسپەن اينالىسۋعا تىيىم سالىندى. جانبولات مامايعا «قاساقانا جالعان اقپارات تاراتۋ» (274-باپ), «بيلىك وكىلىن قورلاۋ» (378-باپ) جانە «جاپپاي تارتىپسىزدىكتەر ۇيىمداستىرۋ» (272-باپ) بويىنشا ايىپتار تاعىلعان ەدى. العاشقى ەكى ايىپتاۋ 2021 جىلعى وقيعالارعا، ال ءۇشىنشىسى 2022 جىلعى قاڭتارداعى وقيعالارعا قاتىستى.

ماۋسىمدا اپەللياتسيالىق سوت تىركەلمەگەن دەمپارتيا كوشباسشىسىنا شىعارىلعان ۇكىمدى وزگەرىسسىز قالدىردى.

ماماي ءىسىن زەردەلەگەن بۇۇ جۇمىس توبى قازاقستان ۇكىمەتىنە ۇندەۋ جولداپ، بەلسەندىنىڭ نەگىزسىز سوتتالعانىن ايتقان.