«قايىڭدى-ساتى» جولىندا اپات بولىپ، 34 ادام زارداپ شەكتى
«قايىڭدى-ساتى» جولىنداعى اپاتتان زارداپ شەككەن 34 ادامنىڭ جاعدايى بەلگىلى بولدى.
«جول اپاتى سالدارىنان 36 جاستاعى جولاۋشى وقيعا ورنىندا كوز جۇمدى. 34 ادام زارداپ شەكتى. ونىڭ 20-سى ايەل،14-ءى ەر ادام. بارلىق زارداپ شەككەندەرگە الگوريتم بويىنشا تولىق كولەمدە جەدەل مەديتسينالىق كومەك كورسەتىلدى .وقيعا ورنىنا 13 جەدەل جاردەم بريگاداسى جانە 1 تمقك بريگاداسى (28 قىزمەتكەر جانە 14 سانيتاريالىق اۆتوكولىك) جىبەرىلدى. كەگەن اۋداندىق اۋرۋحاناسىندا 1, شەلەك اۋىلىنىڭ اۋداندىق اۋرۋحاناسىنا 2, الماتى كوپسالالى كلينيكالىق اۋرۋحاناسىنا 9 ناۋقاس ەم قابىلداپ جاتىر، جاعدايلارى ورتاشا اۋىر»، - دەپ حابارلادى الماتى وبلىسى اكىمدىگىنىڭ ءباسپاسوز قىزمەتىنەن.
اكىمدىكتەگىلەر اپاتتىڭ بارلىق ءمان-جايىن وبەكتيۆتى زەرتتەۋگە باعىتتالعان ساراپتاما تاعايىنداۋمەن قاجەتتى تەرگەۋ ارەكەتتەرى جۇرگىزىلىپ جاتقانىن اتاپ ءوتتى.
اۆتوبۋس جۇرگىزۋشىسى كەگەن اۋدانى ۋاقىتشا ۇستاۋ يزولياتورىنا قامالدى. ءىستى وبلىستىق پوليتسيا باستىعى مەن الماتى وبلىسىنىڭ اكىمى باقىلاۋعا الدى.
بۇعان دەيىن 5 قازان كۇنى كەگەن اۋدانى ساتى اۋىلى اۋماعىنداعى «قايىڭدى-ساتى» تاۋلى اۆتوجولىنىڭ 9-شى شاقىرىمىندا 47 جاستاعى اۆتوبۋس جۇرگىزۋشىسى قارسى باعىتتاعى قوزعالىسقا شىعىپ، 1997 جىلى تۋعان و. ەسىمدى ازامات باسقارىپ كەلە جاتقان «ۋاز» اۆتوكولىگىمەن بەتپە-بەت سوقتىعىسقانى تۋرالى جازىلدى.
فوتو: اشىق دەرەككوزدەن
Abai.kz
