الماتى قالالىق پوليتسياسىنىڭ كوشى-قون قىزمەتى تاجىكستان مەن وزبەكستاننىڭ 48 ازاماتى دەپورتاتسيالانعانىن حابارلادى. ولاردىڭ ءبارى قىركۇيەكتە باستالىپ، ءالى كۇنگە دەيىن ءجۇرىپ جاتقان وپەراتسيا بارىسىندا ۇستالعان.

الماتى پوليتسياسى ەلدەن دەپورتاتسيالاناتىندار ءۇشىن اۆتوبۋس ۇيىمداستىرىپ، وزبەكستان شەكاراسىنا دەيىن جەتكىزىپ تاستاعان.

قالالىق پوليتسيا مالىمەتىنشە، ءۇش كۇن ىشىندە 464 شەتەل ازاماتى جاۋاپقا تارتىلىپ، 88-ءى سوت شەشىمىمەن ەلدەن شىعارىلعان. ولاردىڭ اراسىندا تاجىكستاننىڭ ونداعان ميگرانتى بار. قۇجاتى جوق 237 شەتەل ازاماتى ۋاقىتشا ۇستايتىن مەكەمەدە وتىر.

كەيىنگى اپتالاردا قازاقستانداعى تاجىك ميگرانتتارى ءىرى قۇرىلىستاردا، بازارلارعا جانە شەتەل ازاماتتارى كوپ جۇرەتىن جەرلەردە تەكسەرۋ كۇشەيگەنىن ايتتى. قازاق بيلىگى مۇنداي تەكسەرۋلەردىڭ ماقساتى – زاڭسىز ميگرانتتى انىقتاۋ دەپ مالىمدەدى.

قازاقستان تاجىك ميگرانتتارى كوپ كەلەتىن ەكىنشى ەلگە اينالدى. تاجىك ميگرانتتارىنىڭ دەنى رەسەيدە جۇمىس ىستەيدى.