مەملەكەت باسشىسى ىشكى ىستەر مينيسترىنە اقمولا وبلىسىنىڭ ششۋچە قالاسىندا بولعان ستۋدەنتتىڭ ولىمىنە قاتىستى بارلىق ءمان-جايدى جان-جاقتى تەكسەرۋدى تاپسىردى، دەپ حابارلايدى Ulysmedia.kz.

“كىنالىلەر زاڭ تالاپتارىنا ساي جاۋاپقا تارتىلۋى كەرەك. پرەزيدەنت بۇل ماسەلەنى ەرەكشە باقىلاۋعا الدى”، – دەلىنگەن اقوردا حابارلاماسىندا.

ەستەرىڭىزگە سالا كەتەيىك، 7 قازاندا بۋراباي جانە جامانتۇز تەمىرجول ستانتسيالارى ارالىعىنان ستۋدەنتتىڭ دەنەسى تابىلدى. ستۋدەنت بوپسالاۋدىڭ قۇربانى بولدى دەگەن نۇسقا ايتىلدى، الايدا پوليتسيا قر قىلمىستىق كودەكسىنىڭ 344-بابىنىڭ 2-بولىگى (جول قاۋىپسىزدىگى نەمەسە تەمىرجول كولىگىن پايدالانۋ ەرەجەلەرىن بۇزۋدىڭ ابايسىزدا ادامنىڭ ولىمىنە اكەپ سوعۋى) بويىنشا قىلمىستىق ءىس قوزعادى.

فوتو:عالامتوردان

Abai.kz