ءحىح جازعى ازيا ويىندارى 2023 جىلدىڭ 23 قىركۇيەگى مەن 08 قازان ارالىعىندا قحر، حانچجوۋ قالاسىندا ءوتتى. ۇلتتىق قۇراما اتالمىش دودانىڭ جالپى قورىتىندىسى بويىنشا سولتۇستىك كورەيادان كەيىن 11-ورىنعا جايعاستى.

قازاقستاننىڭ ەنشىسىندە 10 التىن، 22 كۇمىس، 48 قولا – جيىنى 80 مەدال بار. ال ۇزدىك ۇشتىكتە – قىتاي، جاپونيا كورەيا رەسپۋبليكالارى.

2018 جىلعى ازيادا

ەستەرىڭىزدە بولسا، XVIII ازيا ويىندارى – 2018 جىلعى 10 تامىز بەن 2 قىركۇيەك ارالىعىندا يندونەزيا استاناسىندا وتكەن. ول كەزدە جالپى قورىتىندى بويىنشا قازاقستان قۇراماسى ءۇندىستاننان كەيىنگى 9-ورىنعا جايعاسقان. 2018-جىلى ۇلتتىق قۇراما 15 التىن، 17 كۇمىس، 44 قولا – جيىنى 76 مەدالدى ەنشىلەگەن.

2014 جىلعى ازيادا

ال 2014 جىلى اتالمىش سپورت بايگەسى 19-قىركۇيەك پەن 4-قازان ارالىعىندا كورەيا رەسپۋبليكاسىندا ءوتىپ، قازاقستان جالپى ەسەپ بويىنشا جاپونيادان كەيىنگى 3-ورىندى مىسە تۇتقان. ول كەزدە ۇلتتىق قۇراما 28 التىن، 23 كۇمىس، 33 قولا – 84 مەدال يەلەنگەن.

2010 جىلعى ازيادا

وسى بايگە 2010 جىلدىڭ 12-27 قاراشاسىندا قىتايدىڭ گۋانچجوۋ قالاسىندا ءوتىپ، قازاقستان جالپى ەسەپ بويىنشا 5-ورىنعا تۇراقتاعان. 2010 جىلى وتكەن جازعى ازيا ويىندارىندا ۇلتتىق قۇراما  18 التىن، 23 كۇمىس، 38 قولا – جيىنى 79 مەدال العان ەدى.

(سۋرەتتەر الەۋمەتتىك جەلىدەن الىندى)

Abai.kz