اقش يزرايلگە 2 مىڭ اسكەر جىبەردى
اقش يزرايل جاعالاۋلارىنا 2 مىڭ تەڭىز جاياۋ اسكەرىنەن قۇرالعان جەدەل ارەكەت ەتۋ توبىن جىبەرىپ جاتىر. بۇل تۋرالى CNN تەلەارناسىنا امەريكا قورعانىس مينيسترلىگىنىڭ وكىلى حابارلاعان، دەپ جازدى halyq-uni.
تەلەارنا مالىمەتىنشە، پەنتاگون اقش اسكەري كۇشتەرىن تاياۋ شىعىستا يزرايل مەن حاماس اراسىنداعى قاقتىعىستىڭ كۇشەيۋىنە جول بەرمەۋ جانە يران مەن ليۆاننىڭ «حەزبوللا» توبىنا توسقاۋىل قويۋ تۋرالى سيگنال جىبەرۋ ءۇشىن الەۋەتتى ورنالاستىرۋعا دايىندايدى.
تەڭىز جاياۋ اسكەرلەرى يزرايلگە جاقىن جەردە جينالىپ جاتقان اسكەري-تەڭىز كۇشتەرىنە قوسىلادى، - دەلىنگەن ماتەريالدا.
بۇعان دەيىن اقش «دۋايت ەيزەنحاۋەر» جانە «دجەرالد ر.فورد» اۋەتاسىمالداۋشىلارىن جەرورتا تەڭىزىنە، يزرايل جاعالاۋىنا جىبەرگەن بولاتىن.
تاعى ءبىر مالىمەتكە سۇيەنسەك، امەريكا بيلىگى بۇدان دا اۋقىمدى ايماقتىق قاقتىعىستىڭ الدىن الۋ ءۇشىن تاياۋ شىعىستاعى اتىس كۇشىن 2 ەسە ارتتىرىپ جاتقان كورىنەدى.
فوتو:عالامتوردان
Abai.kz
