گرۋزيا العاش رەت قازاقستاننان شيكى مۇناي يمپورتتادى. شىلدە ايىندا بۇل ەلگە 3,2 ملن دوللار سوماسىنا 5,5 مىڭ توننا قازاقستاندىق شيكىزات جەتكىزىلدى.

بۇل تۋرالى گرۋزيانىڭ ۇلتتىق ستاتيستيكا قىزمەتىنىڭ مالىمەتتەرى كۋالاندىرادى. بۇل جەتكىزىلىمدەر كۋلەۆي مۇناي وڭدەۋ زاۋىتىنداعى رەسەيلىك مۇنايدى الماستىرۋ جوسپارىنىڭ ءبىر بولىگى بولدى. كۋلەۆي ءموز-ءىن Black Sea Petroleum كومپانياسى باسقارادى. بۇعان دەيىن كومپانيا قازاقستاندىق مۇنايدى وڭدەۋدى شىلدەنىڭ باسىندا-اق باستاعانىن حابارلاعان ەدى. تامىز ايىندا كاسىپورىن قازاقستاننان مۇنايدىڭ جاڭا پارتيالارىن الۋدى جوسپارلاپ وتىر.

سونىمەن بىرگە Black Sea Petroleum ليۆيادان مۇناي جەتكىزۋگە دايىندالىپ جاتىر. العاشقى پارتيا گرۋزياعا 20-30 تامىز ارالىعىندا جەتۋى ءتيىس. ليۆيا مۇنايىنا ارنالعان كەلىسىمشارت 2027 جىلدىڭ سوڭىنا دەيىن ۇزارتۋ مۇمكىندىگىمەن جاسالدى. كومپانيا قازاقستان مەن ليۆيادان جەتكىزىلەتىن مۇناي ەسەبىنەن تامىز-قىركۇيەك ايلارىندا-اق رەسەيلىك مۇنايدان تولىقتاي باس تارتا الامىز دەپ ۇمىتتەنەدى.

24 شىلدەدە ەۋروكوميسسيا Black Sea Petroleum كومپانياسىمەن تۇراقتى بايلانىستا ەكەنىن حابارلادى. شيكىزاتتىڭ باسقا كوزدەرىنە كوشۋ ءۇشىن كۋلەۆي ءموز-ىنە التى ايلىق مەرزىم بەرىلدى. وسى ۋاقىت ىشىندە كاسىپورىن جەتكىزىلىمدەردى ارتۇرلىلەندىرىپ، رەسەيلىك مۇنايعا دەگەن تاۋەلدىلىكتەن ارىلۋى ءتيىس.

Abai.kz