سوت وتىرىسى مەملەكەتتىك قۇپياعا بايلانىستى جابىق ءوتتى. وتىرىسقا قاتىسقان دەپۋتات گۋليا كوجوكۋلوۆا ونى قاماۋدا قالدىرۋ جونىندە شەشىم قابىلدادى دەدى.
دەپۋتاتتىڭ ادۆوكاتى ولگا جۋكوۆا مادۋماروۆتى ۇيقاماققا اۋىستىرۋ جونىندەگى ءوتىنىشى قابىلدانباعىن جەتكىزدى. ول سوت شەشىمىنە قارسى ارىز بەرەتىنىن مالىمدەدى.
اداحان مادۋماروۆ بيىل 2 قىركۇيەكتە ۇستالعان. وعان "مەملەكەتكە ساتقىندىق جاسادى" دەگەن باپ بويىنشا ايىپ تاعىلعانى ءمالىم بولدى.
بيىل ماۋسىم ايىندا جوگوركۋ كەڭەش اداحان مادۋماروۆتى قىرعىز-تاجىك شەكاراسى بويىنشا تورت-كوچو ۋچاسكەسىنە قاتىستى قابىلدانعان قاۋلىعا بايلانىستى قىلمىستىق جاۋاپكەرشىلىككە تارتۋ جونىندە داۋىس بەرگەن. بۇل قاۋلىعا اداحان مادۋماروۆ 2009 جىلى قىرعىزستاننىڭ قاۋىپسىزدىك حاتشىسى بولىپ تۇرعان كەزدە قول قويعان. بۇل قاۋلىعا سايكەس، قىرعىزستان يسفارا (شامامەن ۇزىندىعى 275 مەتر) وزەنى جاعاسىنداعى جەردى وش-باتكەن-يسفانا جولىن جوندەۋدەن وتكىزىپ، كوپىر سالۋ ءۇشىن تاجىكستاننان 49 جىلعا جالعا الۋ جونىندە جازىلعان.
اداحان مادۋماروۆتىڭ ءوزى بۇل قۇجاتتىڭ زاڭدىق نەگىزى جوق دەپ ەسەپتەيدى.
ء"بۇتىن قىرعىزستاننىڭ" ساياسي كەڭەسى بۇل قاۋلى اداحان مادۋماروۆعا "جالا جابۋ ءۇشىن ءجاي سىلتاۋ بولىپ تۇر دەپ مالىمدەمە تاراتتى.
بىلتىر جىل باسىندا قىرعىزستان پرەزيدەنتى سادىر جاپاروۆ "كەشكى بىشكەك" باسىلىمىنا بەرگەن سۇقباتىندا بۇل قاۋلىنى "ساتقىندىق" دەپ اتاعان. ال قاراشا ايىندا بۇل ءسوزىن جوگوركۋ كەڭەشتە اداحان مادۋماروۆتىڭ كوزىنشە ايتقان.
Abai.kz
