تۇركيا پرەزيدەنتى رەجەپ تايىپ ەردوعان شۆەتسيانىڭ ناتو-عا كىرەتىنى تۋرالى حاتتاماعا قول قويدى، دەپ حابارلايدى Ulysmedia.kz.

تۇركيا پرەزيدەنتى اكىمشىلىگىنىڭ حابارلاۋىنشا، ەندى قۇجاتتى تۇركيانىڭ پارلامەنتى بەكىتۋى ءتيىس.

"2023 جىلدىڭ 23 قازانىندا شۆەتسيانىڭ ناتو-عا قوسىلۋى تۋرالى حاتتاماعا پرەزيدەنت رەجەپ تايپ ەردوعان قول قويىپ، قۇجات تۇركيانىڭ ۇلى ۇلتتىق جينالىسىنىڭ قاراۋىنا جىبەرىلدى", - دەلىنگەن حابارلامادا.

ناتو-نىڭ باس حاتشىسى يەنس ستولتەنبەرگ تۇركيا باسشىسىنىڭ بۇل قادامىنا قولداۋ ءبىلدىردى.

"پرەزيدەنت ەردوعانمەن كەزدەسۋدە ايتىپ وتكەنىمدەي، بۇل ءبۇتىن اليانستى قۋاتتى ءارى قاۋىپسىز ەتە تۇسەدى", - دەدى ول.

ايتا كەتەيىك، بۇعان دەيىن تۇركيا فينليانديا مەن شۆەتسيانىڭ ناتو-عا مۇشە بولۋىن قولداماي كەلگەن.

Abai.kz