جەتىسۋ وبلىستىق سىبايلاس جەمقورلىققا قارسى قىزمەت پروكۋراتۋرانىڭ ۇيلەستىرۋىمەن تالدىقورعان قالاسى ءبىلىم ءبولىمىنىڭ ەسەپشىلەرىنە قاتىستى بيۋدجەت قاراجاتىن جۇيەلى نەگىزدە اسا ءىرى مولشەردە جىمقىرۋ فاكتىسى بويىنشا سوتقا دەيىنگى تەرگەپ-تەكسەرۋدى جالعاستىرىپ جاتىر، دەپ حابارلادى Halyq Uni تىلشىسى.

كۇدىكتىلەر 2020 جىلدان 2023 جىلعا دەيىنگى كەزەڭدە ءبىلىم بەرۋ سالاسىندا شىن مانىندە جۇمىس ىستەمەيتىن ازاماتتارعا جالاقى تولەۋ جانە مەكتەپ قىزمەتكەرلەرىنىڭ جالاقىسىن كوتەرۋ ارقىلى 4,6 ملرد تەڭگە كولەمىندە اقشا جىمقىرعان. قىلمىستىق ءىس بويىنشا 23 ادام قىلمىستىق جاۋاپكەرشىلىككە تارتىلادى. ونىڭ 9-ى سوتتىڭ سانكتسياسىمەن قاماۋعا الىندى، – دەلىنگەن سجقا حابارلاماسىندا.

جاۋاپقا تارتىلعانداردىڭ 21-ءى – تالدىقورعان قالاسى ءبىلىم ءبولىمىنىڭ جانە 14 ورتا مەكتەپتىڭ ەسەپشىلەرى.

زالالدى وتەۋ ماقساتىندا سوتتىڭ سانكتسياسىمەن 31 جىلجىمايتىن مۇلىك وبەكتىسى، 14 اۆتوكولىك، زەرگەرلىك بۇيىمدار مەن اقشالاي قاراجات بۇعاتتالدى. سونداي-اق كۇدىكتىلەر كەلتىرىلگەن 3 ملرد تەڭگەدەن اسا شىعىندى وتەيتىن بولادى.

قازىر سوتقا دەيىنگى تەرگەۋ اياقتالىپ جاتىر.

قىلمىستىق-پروتسەستىك كودەكستىڭ 201-بابىنا سايكەس، وزگە اقپارات جاريا ەتۋگە جاتپايدى.

فوتو: اشىق دەرەككوزدەن

Abai.kz