ەكولوگيا جانە تابيعي رەسۋرستار مينيسترلىگى اڭ اۋلاۋ ۋاقىتىنا تۇزەتۋلەر ەنگىزبەك. 2024 جىلدان باستاپ 1 قازان مەن 15 قاراشا ارالىعىندا كيىك اۋلاۋعا رۇقسات ەتىلەدى.

«قازاقستاننىڭ بيوالۋانتۇرلىلىگىن ساقتاۋ قاۋىمداستىعى ازىرلەگەن بيولوگيالىق نەگىزدەمەگە سايكەس، جىنىس قۇرامى مەن مەكەندەۋ ورتاسىنا قاراماستان، كيىكتى اۋلاۋ مەرزىمىن 1 قازاننان 15 قاراشاعا دەيىن بەلگىلەۋ ۇسىنىلدى»، – دەلىنگەن قۇجات جوباسىندا.

ەرلان نىسانباەۆ كيىكتەردى تۇنگى ۋاقىتتا اتۋ جوسپارلانىپ وتىرعانىن ايتادى.

ەسكە سالساق، 6 قازاندا ەلىمىزدە كيىكتەر سانىن رەتتەۋ ماقساتىندا دالا جانۋارىنىڭ ورالدىق پوپۋلياتسياسىن 20 پايىزعا، بەتپاقدالالىق پوپۋلياتسياسىن 15 پايىزعا قىسقارتۋعا ەكولوگيا ءمينيسترىنىڭ بۇيرىعى شىقتى.

ۆەدومستوۆانىڭ مالىمەتىنشە، قازاقستانداعى كيىكتەر سانى 2 ميلليونعا جۋىقتاعان، ال بيىلعى ءتولدى قوسقاندا 2 ميلليوننان دا اسىپ تۇسەدى.

مينيستر ەرلان نىسانباەۆتىڭ ايتۋىنشا، اقبوكەندەر اۋىلشارۋاشىلىعىنا 12 ملرد تەڭگە شىعىن اكەلگەن.

قازاقستاندىق زووقورعاۋشىلار ەلدە كيىكتەردى اتۋ ناۋقانى باستالعالى كيىكتەر باتىس قازاقستان وبلىسىنان رەسەي اۋماعىنا ۇدەرە كوشىپ جاتقانىن ايتادى.

Abai.kz