بۇل تۋرالى باتىس قازاقستان وبلىسىنىڭ اكىمى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتتى.

ايتۋىنشا، بيىل وبلىستا 413 اۋىلدىق ەلدىمەكەندەر ىشىندە 350 اۋىل قولجەتىمدى ينتەرنەتپەن جانە ۇيالى بايلانىسپەن قامتىلىپ وتىر. دەسە دە، قازىرگى تاڭدا بايلانىستىڭ اتالعان تۇرلەرىمەن 5 مىڭعا جۋىق تۇرعىنى بار 63 اۋىل مۇلدەم قامتىلماعان.

«قولجەتىمدى ينتەرنەتپەن جانە ۇيالى بايلانىسپەن قامتۋ، ولاردىڭ ساپاسىن جاقسارتۋ ماقساتىندا تسيفرلىق دامۋ مينيسترلىگىمەن بىرلەسىپ جول كارتاسى بەكىتىلدى. اعىمداعى جىلى 87 اۋىلدا ءموبيلدى ينتەرنەتپەن قامتۋ جانە ساپاسىن جاقسارتۋ جوسپارلانىپ، 60 ەلدى مەكەندە بايلانىس ساپاسىن جاقسارتۋ جۇرگىزىلدى. جىل سوڭىنا دەيىن 27 ەلدى مەكەندە ءموبيلدى بايلانىس ساپاسى جاقسارتىلادى»،- دەدى ناريمان تورەعاليەۆ.

سونداي-اق، ءوڭىر باسشىسى ءوز مالىمدەمەسىندە تسيفرلىق دامۋ مينيسترلىگىمەن بىرلەسىپ ورال قالاسى جانە اۋىلدارعا بايلانىس پەن ينتەرنەت جەلىسىمەن قامتۋ تۋرالى جول كارتاسى بەكىتىلگەنىن جەتكىزدى.

ايتا كەتەيىك، اتالعان جول كارتاسى اياسىندا ناقتى كورسەتىلگەن مەرزىمدەرگە سايكەس بايلانىس وپەراتورلارى ينتەرنەتپەن قامتۋ جانە ساپاسىن جاقسارتۋ جۇمىستارىن جۇرگىزەدى.

Abai.kz