الماس احمەتبەكۇلى. ورالحان

التاي اناۋ بۇرىننان بۇلتى قالىڭ.
قالىڭ بۇلتى قاينارى مىڭ تۇمانىڭ.
ورالىڭنىڭ بارىندا بەۋ، ورالحان،
سەن دە تاۋدىڭ بۇلتىنداي بۇرقىرادىڭ.
تاۋ بۇلاعى سياقتى تۇنىق سوزدەن
تۋعان جەردىڭ جاسادىڭ ءبىر سىڭارىن.

سەن تۋعان جەر ەل شەتى - جەر كەمەرى.
سەن تۋعان جۇرت - جاۋجۇرەك ەرلەر ەلى.
اينالايىن، اعاتاي، اسقاق ءبىتىم،
بۇعالىقتى اساۋ ەڭ كەرمەدەگى.
قاپى كەتكەن قايران ءسات قان قايناتىپ،
كوكەيىڭدى جارارداي كەرنەپ ەدى.

سەن تۋعان جەر التايدىڭ ورگى شەگى -
شىڭعىستايمەن، بەرەلمەن جەر بىتەدى.
ار جاعىنان التىن تاڭ كوتەرىلىپ،
كەڭ دالامدى وياتىپ، سەرگىتەدى.
التىن ارقا، اتىراۋ، ارال، بالقاش
جارىسادى جاتقا وقىپ ەندى سەنى.

ەسكى شاھار ەلىمنىڭ كۇن جاعىندا -
ەرتىس پەنەن ءۇلبىنىڭ قۇنداعىندا.
حالقىڭ وسكەن، پاراسات پارقىڭ وسكەن،
تۇرەن سالعان سياقتى تىڭعا مۇندا.
ۇلىن سيلاپ، ۇلتىنا ساۋىن ايتىپ،
جينالادى جاتىڭ دا، تۋعانىڭ دا.

الماس احمەتبەكۇلى. ورالحان

التاي اناۋ بۇرىننان بۇلتى قالىڭ.
قالىڭ بۇلتى قاينارى مىڭ تۇمانىڭ.
ورالىڭنىڭ بارىندا بەۋ، ورالحان،
سەن دە تاۋدىڭ بۇلتىنداي بۇرقىرادىڭ.
تاۋ بۇلاعى سياقتى تۇنىق سوزدەن
تۋعان جەردىڭ جاسادىڭ ءبىر سىڭارىن.

سەن تۋعان جەر ەل شەتى - جەر كەمەرى.
سەن تۋعان جۇرت - جاۋجۇرەك ەرلەر ەلى.
اينالايىن، اعاتاي، اسقاق ءبىتىم،
بۇعالىقتى اساۋ ەڭ كەرمەدەگى.
قاپى كەتكەن قايران ءسات قان قايناتىپ،
كوكەيىڭدى جارارداي كەرنەپ ەدى.

سەن تۋعان جەر التايدىڭ ورگى شەگى -
شىڭعىستايمەن، بەرەلمەن جەر بىتەدى.
ار جاعىنان التىن تاڭ كوتەرىلىپ،
كەڭ دالامدى وياتىپ، سەرگىتەدى.
التىن ارقا، اتىراۋ، ارال، بالقاش
جارىسادى جاتقا وقىپ ەندى سەنى.

ەسكى شاھار ەلىمنىڭ كۇن جاعىندا -
ەرتىس پەنەن ءۇلبىنىڭ قۇنداعىندا.
حالقىڭ وسكەن، پاراسات پارقىڭ وسكەن،
تۇرەن سالعان سياقتى تىڭعا مۇندا.
ۇلىن سيلاپ، ۇلتىنا ساۋىن ايتىپ،
جينالادى جاتىڭ دا، تۋعانىڭ دا.

كۇن بيىكتەپ بەرەلدەن، وياۋ دالا.
قاسقا قۇلىن جەتەكتەپ جاياۋ بالا.
تىنىش ورمان، شۋلى وزەن، كەر بۇعىلى
سول اسپانىڭ، سول تاۋىڭ، اياۋلى اعا!
بيىگىنىڭ ءبىتىمى سەن سياقتى
التاي جاققا كوز سالدىم باياۋ عانا:
اسپان جاقتان ايبىنى الىس كەتكەن
جۇرەك تارتار مۇزتاۋعا تاياۋعا دا...

تارقاماسىن جيىنىڭ،  اياۋلى اعا!

ءامىرحان بالقىبەك. قارا ءسوزدىڭ قاعانى
(ورالحان بوكەيگە)

كۇن نۇرىنداي جىلۋىنا جانىنىڭ،
بۇكىل قازاق ىڭكار بولعان، دارىنىم!
مۇزتاۋ سىندى ماڭعاز ەدى مىنەزىڭ،
كەندى التايداي قازىنا ەدى قالىبىڭ.

مارقاكولدەي ءمولدىر ەدى كوزىڭ دە،
زەرگەرگە ۇلگى زەر جاتۋشى ەد سوزىڭدە.
بي-اعاڭدى جاتقا وقىعان بەكزاتىم،
ەندى بۇگىن ۇلى اتاندىڭ ءوزىڭ دە.

ءبىر عاسىردا ءبىر تۋاتىن اسىلىم،
شابىت قىسسا بۇقتىرما بوپ تاسىدىڭ.
جايتارتقىشتاي تارتتىڭ قاعاز بەتىنە
تۋعان جەردىڭ كوكتە ويناعان جاسىنىن.

داۋىل بولدىڭ، جاۋىن بولدىڭ، جىر بولدىڭ،
ۇلكەن-كىشى ىزدەپ وقىر سىر بولدىڭ.
وي جايلاۋعا، ەرەن ەڭبەك تورىنە
قويشىمەن دە، كەنشىمەن دە ءبىر قوندىڭ.

جىلدامدىقپەن ساۋلەسىندەي جارىقتىڭ،
جاندۇنيەڭنىڭ سۇلۋلىعىن تانىتتىڭ.
ءوزىڭ سۇيگەن ەلىڭ امان تۇرعاندا
سەن دە بارسىڭ جۇرەگىندە حالىقتىڭ.

سول كەزدەردە سەن وياتقان ماحاببات،
بۇگىن ساعان جەتكەنى انىق «اتالاپ».
شىعارماڭنان باستاۋ العان سان سەزىم
ءشولىن ءالى باسا الماي ءجۇر قاتالاپ.

كۇي سەكىلدى اعىتىلعان تيەگى،
بابا ءتىلدىڭ ءبارى ارقاسى كيەلى
ساعان ءالى بويجەتكەندەر عاشىق بوپ،
ساعان ءالى ءور ۇل باسىن يەدى.

شىڭعىستايدىڭ بۇيرا شاشتى بالاسى،
قارا سوزدە قاعان بولدى، قاراشى!
ون عاسىر دەپ ايتا الادى كىم قازىر
شىڭعىسحان مەن ورالحاننىڭ اراسى!!!

Abai.kz