«نۇر وتان» (حدپ) پارتياسىنىڭ  قاتارىنان ەكس-دەپۋتات باقىت سىزدىقوۆا  سىزىلىپ قالدى. سىزدىقوۆا مۇشەلىكتەن سىزىلىپ قالعانى تۋرالى الدىمەن ءوزى جارياعا جار سالدى. «يا بىلا ۆ شوكە» دەدى ول twitter.سوm الەۋمەتتىك جەلىسىندە وتىرىپ. جاقىن ورتاسى مەن قامقور اعالارىنا (ادىلبەك جاقسىبەك، اسقار مامين، ت.ب.) سۇيكىمى بولماسا، بىلايعى جۇرتقا ەركەتوتايلىعى، ايەلگە ءتان ادەپتەن وزىپ سويلەيتىن بەيپىلاۋىزدىعى ەش ۇنامايتىن باقىت سىزدىقوۆا 7 ميلليون تەڭگەنى جەپ قويىپتى. وسىدان ءتورت جىل بۇرىن 7 ميلليوندى «بىردەڭە-سىردەڭە» دەپ كەلەتىن جاستار ۇيىمىنىڭ جۇمىسىنا العان دا قىلعىتا سالعان. ويىنا كەلگەنىن ىركپەي ايتا سالاتىن سىزدىقوۆا بۇرىنعى ارىپتەستەرىنە رەنجىپ: «ودان بەرى ءتورت جىلدان استام ۋاقىت بولىپ قويدى. ءتورت جىل وتكەن سوڭ ول اقشانى مەنەن نەگە سۇرايدى؟»، -  دەپ بۇلقان-تالقان بولدى. شاماسى، سىزدىقوۆا ءۇشىن قازىنادان الىنعان قارجى ۋاقىتى «ەسكىرگەن» سوڭ «سپيسات»  ەتىلۋى كەرەك سياقتى. الگى 7 ميلليون وسە-وسە قازىر 15 ميلليونعا جەتىپتى. ونى باقىت احمەتقىزى قايتارا ما، جوق پا، ءالى بەلگىسىز. ايتكەنمەندە، ءدال وسى ارادا ءبىزدىڭ بيلىك پەن زاڭ ورىندارىنىڭ جانى اياۋلى ادامدارعا كەلگەندە تەرىسىنىڭ كەڭىپ سالا بەرەتىنىنە تاڭ قالاسىڭ. ال، قايسىبىر بايقۇستىڭ باسىنا قارا بۇلت ءۇيىرىپ قاھارلانسا، قاتتى كەتەدى. ەستەرىڭىزدە شىعار، وسىدان 10-11 جىل بۇرىن عالىمجان جاقيانوۆ 500 مىڭ تەڭگە ءۇشىن التى-جەتى جىل اباقتىنىڭ ءدامىن تاتىپ شىققان-دى...

«نۇر وتان» (حدپ) پارتياسىنىڭ  قاتارىنان ەكس-دەپۋتات باقىت سىزدىقوۆا  سىزىلىپ قالدى. سىزدىقوۆا مۇشەلىكتەن سىزىلىپ قالعانى تۋرالى الدىمەن ءوزى جارياعا جار سالدى. «يا بىلا ۆ شوكە» دەدى ول twitter.سوm الەۋمەتتىك جەلىسىندە وتىرىپ. جاقىن ورتاسى مەن قامقور اعالارىنا (ادىلبەك جاقسىبەك، اسقار مامين، ت.ب.) سۇيكىمى بولماسا، بىلايعى جۇرتقا ەركەتوتايلىعى، ايەلگە ءتان ادەپتەن وزىپ سويلەيتىن بەيپىلاۋىزدىعى ەش ۇنامايتىن باقىت سىزدىقوۆا 7 ميلليون تەڭگەنى جەپ قويىپتى. وسىدان ءتورت جىل بۇرىن 7 ميلليوندى «بىردەڭە-سىردەڭە» دەپ كەلەتىن جاستار ۇيىمىنىڭ جۇمىسىنا العان دا قىلعىتا سالعان. ويىنا كەلگەنىن ىركپەي ايتا سالاتىن سىزدىقوۆا بۇرىنعى ارىپتەستەرىنە رەنجىپ: «ودان بەرى ءتورت جىلدان استام ۋاقىت بولىپ قويدى. ءتورت جىل وتكەن سوڭ ول اقشانى مەنەن نەگە سۇرايدى؟»، -  دەپ بۇلقان-تالقان بولدى. شاماسى، سىزدىقوۆا ءۇشىن قازىنادان الىنعان قارجى ۋاقىتى «ەسكىرگەن» سوڭ «سپيسات»  ەتىلۋى كەرەك سياقتى. الگى 7 ميلليون وسە-وسە قازىر 15 ميلليونعا جەتىپتى. ونى باقىت احمەتقىزى قايتارا ما، جوق پا، ءالى بەلگىسىز. ايتكەنمەندە، ءدال وسى ارادا ءبىزدىڭ بيلىك پەن زاڭ ورىندارىنىڭ جانى اياۋلى ادامدارعا كەلگەندە تەرىسىنىڭ كەڭىپ سالا بەرەتىنىنە تاڭ قالاسىڭ. ال، قايسىبىر بايقۇستىڭ باسىنا قارا بۇلت ءۇيىرىپ قاھارلانسا، قاتتى كەتەدى. ەستەرىڭىزدە شىعار، وسىدان 10-11 جىل بۇرىن عالىمجان جاقيانوۆ 500 مىڭ تەڭگە ءۇشىن التى-جەتى جىل اباقتىنىڭ ءدامىن تاتىپ شىققان-دى...

سىزدىقوۆا 7 ميلليوندى عانا جىمقىرىپ جۇرگەن ادام ەمەس ەكەن، بولاشاعى مەن بۇگىنىنە نۇرىن توككەن «نۇر وتان» پارتياسىنا دا مۇشەلىك جارناسىن تولەمەي گارلەم شەيك بيلەپ بىلىققا باتىپتى. ونىسىن «نۇر وتان» حدپ باقىلاۋ كوميتەتىنىڭ توراعاسى بوران راقىمبەكوۆ ايتتى.

- سىزدىقوۆا حانىم پارتيالىق جارنانى جارتى جىلدان استام تولەمەدى، باستاۋىش پارتيا ۇيىمىنىڭ وتىرىسىنا ءبىر جىل قاتىسپادى جانە پارتيانىڭ قۇجاتتارىن ءبۇلدىردى، - دەدى باقىلاۋ كوميتەتىنىڭ توراعاسى.

ۇلتتىڭ ارى مەن ۇياتىن باققان قاريالار مىنا زامانعا كەيىگەن كەزدەرىندە «بۇ ءوزى قاتىن قۇتىرعان زامان بولدى عوي» دەسەدى. سول قۇتىرعاننىڭ كوكەسىن ءماجىلىس دەپۋتاتى كەزىندە وسى سىزدىقوۆا كورسەتكەن-ءدى. پارلامەنت قابىرعاسىندا ءبىر كەزەك دەموگرافيا، وتباسى جانە نەكە تۋرالى ءسوز شىعا قالىپ، العان ايەلدەرىن زاڭداستىرۋدى ويلاعان ءبىر دەپۋتات «منوگوجونستۆو» تۋرالى ءسوز باستاي بەرگەن، سىزدىقوۆا سوندا سازبەتتەنە اشۋلانىپ «ەركەكتەر ەكى قاتىن السا، بىزدەر، قاتىندار، ەكى بايعا تيەمىز» دەپ  ارىپتەسىنىڭ بەتىن قايتارىپ «كارتوپتى ەزگەن» ەدى. ونىمەن قويماي ەلباسىمىز «استانالىقتار جاقسى كيىنىپ ءجۇرسىن» دەپ جارلىق شاشقاندا سىزدىقوۆا ەلورداداعى ەڭ قىمبات سۋپەرماركەتتەردىڭ بىرىنە بارىپ، ەرتەڭىندە كەۋدەقاپتى قانشاعا ساتىپ العانىن، رازمەرىن، ءتۇسىن، ساپاسىن ايتىپ جۇرتتىڭ «اۋزىنان سىلەكەيىن» اعىزعان. ودان كەيىن قۇداي-اۋ، نەكەلى جارىنان اجىراستى ما، بيلەدى مە، بىلگەنىن جاسادى... ەندى، مىنە، پارتيا قۇرامىنان شەتەتتىلىپتى. ايتسەدە ءبىز سىزدىقوۆانى كىنالاۋدان اۋلاقپىز. ونى وسىلاي قۇتىرتقان، قولتىعىنا سۋ بۇرككەن، ايەلدىك كەيىپىنەن ايىرعان قوعام عوي، ورتاسى عوي. ابايشا ايتساق سىزدىقوۆالاردىڭ وسىنداي حالگە جەتۋىنە «ءبارى ۆينوۆات».

Abai.kz

باقىت احمەتقىزى سىزدىقوۆا

1974 جىلى 8 ساۋىردە تسەلينوگراد قالاسىندا تۋعان. قازاق.

اكەسى - سىزدىقوۆ احمەت قيماشۇلى، مارقۇم. اناسى - سىزدىقوۆا شايزا شايمەردەنقىزى، زەينەتكەر. س. سەيفۋللين اتىنداعى اقمولا پەداگوگيكالىق ۋنيۆەرسيتەتىن بىتىرگەن (1996), ورىس ءتىلى مەن ادەبيەتىنىڭ مۇعالىمى. قازاق گۋمانيتارلىق-زاڭ يننوۆاتسيالىق ۋنيۆەرسيتەتىنىڭ پروفەسسورى (سەمەي قالاسى، 2009 جىلدان).

«نۇر وتان» حدپ مۇشەسى (1999 جىلدان).

1996 جىلدان - ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جاستار ماسەلەسى كوميتەتىنىڭ توراعاسى، پەداگوگيكا ءپانىنىڭ وقىتۋشىسى. 1998-2001 جىلدارى - «قازاقستاننىڭ بولاشاعى ءۇشىن» جاستار قوزعالىسى كەڭەسىنىڭ توراعاسى (الماتى قالاسى). 1998-2003 جىلدارى - جاستار پارلامەنتى، استانالىق كۆن ليگاسى، ەۋرازيالىق ەكسپەريمەنتالدىق ينستيتۋتتىڭ، «بىرلىك» جاستار قوزعالىسىنىڭ، استانالىق جاستار ۇيىمدارى اسسوتسياتسياسىنىڭ، استانا، قر كۆن قۇراما كومانداسىنىڭ، كۆن رەسپۋبليكالىق ليگاسىنىڭ، قازاقستان سكاۋتتار قوزعالىسى ۇيىمى فيليالىن ۇيىمداستىرۋشىلاردىڭ ءبىرى، استانا قالاسى جاستار سايلاۋالدى شتابىنىڭ جانە قر پرەزيدەنتتىگىنە ۇمىتكەر ن.ءا. نازارباەۆتى قولداۋ بويىنشا «ءبىز كىمدى تاڭتسايتىنىمىزدى بىلەمىز!» استانالىق اكتسياسىنىڭ جەتەكشىسى . 1999-2006 جىلدارى - استانا قالاسى الەۋمەتتىك جانە ۇلتتىق-مادەني دامۋ بويىنشا تۇراقتى كوميسسياسىنىڭ توراعاسى. 2001-2006 جىلدارى - «اقبوتا» بالالار قوعامدىق قورىنىڭ اتقارۋشى ديرەكتورى (استانا قالاسى). 2002-2006 جىلدارى - قگ بالالار قورى كەڭەسىنىڭ اتقارۋشى حاتشىسى. 2007 جىلدان قر بگم بالالاردى قورعاۋ كوميتەتىنىڭ توراعاسى.

2007 جىلدان بەرى - قر پارلامەنتى ءماجىلىسى 4-ءشى شاقىرىلىمىنىڭ «نۇر وتان» حدپ ءتىزىمى بويىنشا دەپۋتاي.ءى الەۋمەتتىك-مادەني دامۋ كوميتەتىنىڭ مۇشەسى.

استانا قالالىق ءماسليحاتىنىڭ دەپۋتاتى (1999-2007).

«نۇر وتان» حدپ ساياسي كەڭەسىنىڭ مۇشەسى (2006 جىلدان), «مولودەجنىي ماجيليس» («جاستار ءماجىلىسى» اق توراعاسى) (2007 جىلدان); قازاقستان حالقى اسسامبلەياسىنىڭ مۇشەسى (2000-2007); «نۇر وتان» حدپ «جاس وتان» شك ورتالىق كەڭەسىنىڭ مۇشەسى (2008 جىلدان); قر پرەزيدەنتى جانىنداعى جاستار ماسەلەسى جونىندەگى كەڭەستىڭ مۇشەسى (2008 جىلدان) «ستۋدەنت كوكتەمى - 1992» 1-ءشى رەسپۋبليكالىق فەستيۆالىنىڭ، «شابىت» حالىقارالىق شىعارماشىل جاستار فەستيۆالىنىڭ لاۋرەاتى.

«قازاقستان رەسپۋبليكاسىنىڭ تاۋەلسىزدىگىنە 10 جىل» (2001), «ەرەن ەڭبەگى ءۇشىن» (2002), «قازاقستان كونستيتۋتسياسىنا 10 جىل» (2005), ى. التىنسارين اتىنداعى (2007), «استانانىڭ 10 جىلدىعى» (2008) مەدالدارىمەن; «قازاقستان رەسپۋبليكاسىندا بالالاردىڭ جاعدايىن جاقسارتۋعا جانە ولاردىڭ قۇقىعىن قورعاۋعا قوسقان ەرەكشە ۇلەسى ءۇشىن» (200ن) ەستەلىك بەلگىسىمەن ماراپاتتالعان.