1 قازاننان «ەل ارنا» تەلەارناسىندا «كۇن ساقشىلارى» سەريالى كورسەتىلە باستايدى. وسى ورايدا نازارلارىڭىزعا سەريالدىڭ رەسمي ترەيلەرىن ۇسىنامىز. بۇل ميستيكا مەن درامانىڭ، تانىمال اكتەرلەر مەن ەرەكشە ينتەرەردىڭ، تاڭعاجايىپ وقيعالار مەن كول­كوسىر سەزىمنىڭ «كوكتەيلى» بولادى دەپ ۋادە بەرەمىز. ءدال وسى سەريال «حابار» اگەنتتىگى مەن «ەل ارنا» تەلەارناسىنىڭ جاڭا ماۋسىمداعى جارقىن باعدارلامالارىنىڭ لەگىن جالعاستىرادى.  

جوبا اۆتورى –تالانتتى جاس رەجيسسەر احات ىبىراەۆ («اڭىز كىتابى: قۇپيالى ورمان»، «سانجار مەن قايسار»، «نۇركەنوۆتەر وتباسى»، «اينالايىن»).  رەجيسسەر رەتىندە ايگىلى لي ستراسبەرگ تەاتر جانە كينو ينستيتۋتىنىڭ (نيۋ-يورك) تۇلەگى سانجار سۇلتانوۆ («ۋاقىت كۇتپەيدى»، «حاكەر») شاقىرىلدى.  ستسەناري اۆتورلارى – ۆالەريا پلوتنيكوۆا مەن رۋستام نيازوۆ. بۇل مەن «حابار» اگەنتتىگى مەن «ەل ارنا» تەلەارناسىنىڭ زاماناۋي شىتىرمان جانرداعى جوباسى بولماق..

1 قازاننان «ەل ارنا» تەلەارناسىندا «كۇن ساقشىلارى» سەريالى كورسەتىلە باستايدى. وسى ورايدا نازارلارىڭىزعا سەريالدىڭ رەسمي ترەيلەرىن ۇسىنامىز. بۇل ميستيكا مەن درامانىڭ، تانىمال اكتەرلەر مەن ەرەكشە ينتەرەردىڭ، تاڭعاجايىپ وقيعالار مەن كول­كوسىر سەزىمنىڭ «كوكتەيلى» بولادى دەپ ۋادە بەرەمىز. ءدال وسى سەريال «حابار» اگەنتتىگى مەن «ەل ارنا» تەلەارناسىنىڭ جاڭا ماۋسىمداعى جارقىن باعدارلامالارىنىڭ لەگىن جالعاستىرادى.  

جوبا اۆتورى –تالانتتى جاس رەجيسسەر احات ىبىراەۆ («اڭىز كىتابى: قۇپيالى ورمان»، «سانجار مەن قايسار»، «نۇركەنوۆتەر وتباسى»، «اينالايىن»).  رەجيسسەر رەتىندە ايگىلى لي ستراسبەرگ تەاتر جانە كينو ينستيتۋتىنىڭ (نيۋ-يورك) تۇلەگى سانجار سۇلتانوۆ («ۋاقىت كۇتپەيدى»، «حاكەر») شاقىرىلدى.  ستسەناري اۆتورلارى – ۆالەريا پلوتنيكوۆا مەن رۋستام نيازوۆ. بۇل مەن «حابار» اگەنتتىگى مەن «ەل ارنا» تەلەارناسىنىڭ زاماناۋي شىتىرمان جانرداعى جوباسى بولماق..

احات ىبىراەۆ كافەلەردىڭ بىرىندە تۇستىك ءىشىپ وتىرعان كەزىندە وسى سەريالدىڭ يدەياسى تۋىنداعان ەكەن. ول تاڭ­تاماشا وقيعالارعا تاپ بولىپ، اقىرىندا قازىنا تاۋىپ الاتىن مەيرامحانا قىزمەتكەرلەرى تۋرالى فيلم ءتۇسىرۋدى ۇيعارادى

سەريالعا نۇرجان تۇتوۆ، ارۋجان جازىلبەكوۆا، ارتۋر تولەپوۆ، ءشارىپ سەرىك، رۋستەم جانامانوۆ، جۇلدىز ماحانوۆا سياقتى بەلگىلى اكتەرلەر قاتىسقان. 

سەرءىك اباس-شاح، «ەل ارنا» تەلەارناسىنىڭ ديرەكتورى:

«بۇل سەريال قازاقستاندىق جاستارعا جانە وتباسىلىق اۋديتورياعا قىزىق بولادى دەپ سەنەمىز. «كۇن ساقشىلارىندا» ادامدار اراسىنداعى قارىم-قاتىناس ماسەلەلەرى مەن ماحاببات تاقىرىبى كوتەرىلەدى. ەرەكشەلىگى – قانىق بوياۋلارى مەن پالساپالىق قۇرامى. ءبىز الدىنا ماقسات قويۋ مەن ادال، ەڭبەكقور بولۋدىڭ ماڭىزدىلىعىن باسا ايتقىمىز كەلەدى. «كۇن ساقشىلارى» «ەل ارناداعى» سەريالدار لەگىن جالعاستىرادى، جانە بۇل – كورەرمەندەرگە دايىنداعان سىيلىعىمىزدىڭ سوڭعىسى ەمەس». 

احات ىبىراەۆ، پروديۋسەر:

«سەريالدىڭ ماعىناسى «سەن دە ءبىر كىرپىش دۇنيەگە، كەتىگىن تاپ تا، بار، قالان» دەگەن  جولدارعا كەلەدى. بىزدە بۇل وي كافەنىڭ استىندا قازىنا جاسىرىلعان دەگەن مەتافورادان كورىنىس تاپقان. ياعني ءار ادام قازىنانى شەتتەن ەمەس، ءوز ىشىنەن ىزدەۋ كەرەك، وزىڭنەن قاشۋدىڭ قاجەتى جوق دەگەندى ايتقىمىز كەلەدى.

بۇل − كادر سىرتىنان كۇلكى ەستىلىپ تۇراتىن سيتكوم ەمەس، بۇل جاۋاپسىز ماحابباتتان جاپا شەگىپ جۇرگەن دارىگەرلەر مەن مۇعالىمدەر تۋرالى دراما دا ەمەس، يدەولوگيالىق نوۆەللا دەۋگە دە كەلمەيدى. قازىر كورەرمەندەرگە ەلدەن ەرەكشە كەيىپكەرلەر قىزىق. ويتكەنى قازىرگى اقپاراتتىق اعىن ادامداردى ەسىنەن تاندىرۋدا. كوبى ءوز ورنىن تابا الماسا دا، باي، داۋلەتتى بولعىسى كەلەدى. وسى جوبا ءۇشىن سوناۋ كانادادان رەجيسسەر سانجار سۇلتانوۆتىڭ ارنايى كەلگەنىنە قۋانىشتىمىن، ونىڭ تاجىريبەسى سەريالدىڭ جاندى شىعۋىنا سەپتەسەتىنى انىق. بۇل يدەيانى «حابار» اگەنتتىگى قولداپ، «ەل ارنانىڭ» كورەرمەندەرىنە ۇسىنعانىنا ريزامىن».

سانجار سۇلتانوۆ، رەجيسسەر:

«كانادادا مەن پروديۋسەر، ستسەناريست رەتىندە كوبىرەك جۇمىس ىستەيمىن، ياعني ماعان ۇيىمداستىرۋشىلىق ماسەلەلەرگە كوبىرەك ارالاسامىن. بۇل سەريالعا مەنىڭ تاراپىمنان جاڭاشىلدىق قانا تالاپ ەتىلدى. ماعان تولىقمەتراجدى جۇمىستار قىزىعىراق، بىراق سەريال جانرىندا دا باق سىناپ كورۋ قىزىقتى. ماعان جالپى قازاق كينەماتوگرافى قىزىق. ويتكەنى مەنىڭ وتانىم وسىندا. ءبىزدىڭ سەريال  جاستارعا ارنالعان، ءتۇرلى سالالار مەن ءتۇرلى وتباسىلارىنان شىققان ءتۇرلى ادامدار تۋرالى. ال ماعان ىلعي دا مۋلتيۇلتتىلىق يدەياسى ۇنايتىن، سوندىقتان بۇل جوبا بارىسىندا راحاتتانىپ جۇمىس ىستەدىم».

«كۇن ساقشىلارى» سەريالىندا جاس اكتريسا ارۋجان جازىلبەكوۆانىڭ باستى رولدەردىڭ ءبىرىن وينايتىنىن ايتا كەتۋ كەرەك. ول ءۇشىن بۇل – «سانجار مەن قايساردان» كەيىنگى ەكىنشى قازاق تىلىندەگى جوبا. ول قازاق ءتىلىن ۇيرەنە ءتۇسىپ، ءتىلىن تۇزەۋگە تۋرا كەلگەنىن جاسىرمايدى. بىراق ونىڭ ايتۋىنا قاراعاندا، تۋعان تىلىمىزدە ويناۋ قاجەت جانە قىزىق ۋاقىت كەلدى. ايتپاقشى، جاقىندا عانا ارۋجان جازىلبەكوۆا مەن احات ىبىراەۆ شاڭىراق كوتەردى.

ارۋجان جازىلبەكوۆا، باستى رولدەردىڭ ءبىرى – توميريس ءرولىن سومداۋشى:

«مەن اۋقاتتى ادامداردىڭ قىزىن وينايمىن. ول اناسىنان ايىرىلعان سوڭ ءوز بەتىمەن ءومىر سۇرە الاتىنىن دالەلدەۋگە تىرىسادى. ارينە، بىردەن ءىسى وڭعا باسپايدى. ول ءىرى كومپانيالاردىڭ بىرىنە ەمەس، كافەگە، داياشى بولىپ ورنالاسادى. اقىرىندا ول سول مەيرامحاناعا ماركەتولوگ بولىپ، ءتۇرلى بيزنەس-يدەيالارمەن جۇمىس ىستەيدى. ءبىزدىڭ سەريالدان جاستاردىڭ كوبى ءوزىن تانيدى. ءبىز ىلعي دا بىردەڭە ىزدەپ جۇرەمىز، بىراق تابا الامىز با؟..»

جارقىن ديالوگتار، شىنايى سەزىمدەر مەن ازداعان ميستيكانى ءبىر سەريالدان كورگىڭىز كەلە مە؟ ەندەشە، «ەل ارنادان» 1 قازاننان باستاپ 22.10-دا «كۇن ساقشىلارىنىڭ» پرەمەراسىن جىبەرىپ الماڭىزدار.

اباي-اقپارات