كەزىندە تابيعي مونوپوليستەرگە قالاي بولسا سولاي بەرىلگەن قۋات كوزدەرى نىساندارى 30 جىلدان بەرى ەش جاڭارتۋسىز, تەك جەڭىل-جەلپى سىلاپ-سيپاۋمەن بىلتىرعا دەيىن ىمى مەن جىمىن بىلدىرمەي كەلگەن ەدى.

جانە كسرو-نىڭ وسى مۇراسى – جارىلماي قالعان بومبا! تمد ەلدەرىنىڭ جەمقور شەنەۋىنىكتەرى ءبىر كۇنى حالىقتى قان قاقساتادى دەگەندى باتىستىق ساياساتكەرلەر وسىدان 20 جىل بۇرىن ايتقان بولاتىن.

كسرو جىلۋ جۇيەسى مەن باتىستىڭ جىلۋ جۇيەسى ەكى بولەك. باتىس ءبىر ورىندا تۇرىپ قالماي، جىلۋ جەلىلەرىن جاڭارتىپ وتىرادى. بىزدە ءبارى كەرىسىنشە. اتاپ ايتساق، بىلتىر اپات ورىن العان ەكىباستۇزداعى جىلۋ بەرۋ جەلىسى. ءدال قازىر وسى قالاداعى جەلىلەردىڭ توزۋ دەڭگەيدى 91%-دى قۇراپ، قازاق ەلىندە كوش باستاپ وتىر.

ەستەرىڭىزدە بولسا، بىلتىر ەكىباستۇزدا 26-27 قاراشاعا قاراعان ءتۇنى جىلۋ ەلەكتر ورتالىعىندا اپات ورىن الدى. سارقىرلاعان 30 گرادۋستىق سارى ايازدا 149 كوپقاباتتى ءۇي، 114 جەكە ءۇي، سونداي-اق 15 الەۋمەتتىك نىسان جىلۋ مەن ىستىق سۋسىز قالعانىن جاقسى بىلەمىز. ىلە-شالا قالاعا توتەنشە جاعداي رەجيمى ەنگىزىلىپ، اپاتتىڭ بارشا سالدارىن جويۋ جۇمىستارى بىرنەشە ايعا سوزىلعان ەدى.

كەزىندە جىلۋ كوزدەرىنە يە بولعاندار پاۆلودار وبلىسى بويىنشا ەش نارسە ىستەمەگەندىكتەن وسى ايماقتاعى ەنەرگەتيكالىق نىساندارىنىڭ جەلىلەرىنىڭ باسىم بولىگى ءالى دە توزعان كۇيدە قالىپ، حالىقتى ۇرەي ۇستىندە ۇستاۋدا.

پاۆلودار وبلىسىنىڭ اكىمى اساين بايحانوۆتان ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا جابدىقتىڭ توزۋى تۋرالى سۇرالدى.

– جالپى ەنەرگەتيكالىق نىساندارداعى جابدىقتاردىڭ توزىپ تۇر. دۇرىس ايتاسىز، ول ماسەلەمەن اينالىسۋ كەرەك. بىراق، وكىنىشكە قاراي، كەيىنگى بىرنەشە جىلدا ينۆەستيتسيا جەتكىلىكسىز بولدى. سوندىقتان الدىڭعى كەزەڭدەرگە جاۋاپ بەرە المايمىن، ءوزىمنىڭ جۇمىس ىستەگەنىمە ءبىر جىلدان ەندى استى. پاۆلودار مەن اقسۋ قالالارىندا دا توزۋ دەڭگەيى جوعارى. پاۆلوداردا شامامەن 86%، ەكىباستۇزدا شامامەن 91%. بۇل جەلىلەردىڭ توزۋ دەڭگەيى. جەلىلەردىڭ باسىم بولىگى توزعان كۇيدە، - دەدى اكىم.

بيىل وسى ايماقتىڭ جۇرتتى قىستان اپاتسىز امان شىقسىن دەپ تىلەيىك، اعايىن!

Abai.kz