وسىدان 12 جىل بۇرىن قازاق دالاسىندا قازاقستاننىڭ دەموكراتيالىق تاڭداۋى اتتى قوزعالىس پايدا بولىپ، اشىق كۇندەگى نايزاعايداي جارىق ەتە قالىپ  ەدى... ەشكىم كۇتپەگەن، كورىپكەل بولجاي الماعان قۇبىلىس بولدى، بۇل...

قازىر «تاڭداۋدىڭ» تارلاندارى تارىداي شاشىراپ كەتتى...

التىنبەك سارسەنباەۆ مارقۇم بولدى... عالىمجان جاقيانوۆ شەتەل استى... مۇحتار ءابليازوۆ فرانتسۋز تۇرمەسىنە توعىتىلدى... وراز جاندوسوۆ قور باسقارىپ،  جانات ەرتىلەسوۆا تەلەجاشىككە تىعىلدى... تولەگەن جۇكەەۆ «جۇدەپ» جالعىز قالدى... تەك، ءاليحان بايمەنوۆ قانا اقىلى مەن ايلاسىن اسىرا الدى...

ەندى، مىنە، بولات ءابىلوۆ بۇلتاڭ ەتتى...

  بولات ءابىلوۆ 1998-99 جىلدارى «وتان» (قازىرگى «نۇر وتان» پارتياسى) پارتياسىنىڭ ماجىلىستەگى دەپۋتاتى بولىپ سايلاندى; سوسىن، ورىس بيلىگىنىڭ ىقپالىمەن قۇرىلعان قازاقستاننىڭ دەموكراتيالىق تاڭداۋىنا قوسىلدى; ءارى قاراي، «اق جول» پارتياسىنىڭ ەتەگىنە جابىستى; كەيىنىرەك «ناعىز اق جولدىڭ» شاشپاۋىن كوتەردى; «ادىلەتتى قازاقستان» قوزعالىسىنا باردى، سودان كەيىن «ازات» پارتياسىن قۇردى، كوپ ۇزاماي جسدپ-عا  جابىستى...

وسىدان 12 جىل بۇرىن قازاق دالاسىندا قازاقستاننىڭ دەموكراتيالىق تاڭداۋى اتتى قوزعالىس پايدا بولىپ، اشىق كۇندەگى نايزاعايداي جارىق ەتە قالىپ  ەدى... ەشكىم كۇتپەگەن، كورىپكەل بولجاي الماعان قۇبىلىس بولدى، بۇل...

قازىر «تاڭداۋدىڭ» تارلاندارى تارىداي شاشىراپ كەتتى...

التىنبەك سارسەنباەۆ مارقۇم بولدى... عالىمجان جاقيانوۆ شەتەل استى... مۇحتار ءابليازوۆ فرانتسۋز تۇرمەسىنە توعىتىلدى... وراز جاندوسوۆ قور باسقارىپ،  جانات ەرتىلەسوۆا تەلەجاشىككە تىعىلدى... تولەگەن جۇكەەۆ «جۇدەپ» جالعىز قالدى... تەك، ءاليحان بايمەنوۆ قانا اقىلى مەن ايلاسىن اسىرا الدى...

ەندى، مىنە، بولات ءابىلوۆ بۇلتاڭ ەتتى...

  بولات ءابىلوۆ 1998-99 جىلدارى «وتان» (قازىرگى «نۇر وتان» پارتياسى) پارتياسىنىڭ ماجىلىستەگى دەپۋتاتى بولىپ سايلاندى; سوسىن، ورىس بيلىگىنىڭ ىقپالىمەن قۇرىلعان قازاقستاننىڭ دەموكراتيالىق تاڭداۋىنا قوسىلدى; ءارى قاراي، «اق جول» پارتياسىنىڭ ەتەگىنە جابىستى; كەيىنىرەك «ناعىز اق جولدىڭ» شاشپاۋىن كوتەردى; «ادىلەتتى قازاقستان» قوزعالىسىنا باردى، سودان كەيىن «ازات» پارتياسىن قۇردى، كوپ ۇزاماي جسدپ-عا  جابىستى...

سالقىنقاندى بۋرجۋازيالىق-دەموكراتيالىق وپپوزيتسيا «سەركەلەرىنىڭ» ءبىرى بولات ءابىلوۆتىڭ مۇحتار ءابليازوۆ اباقتىعا جابىلىسىمەن، شۇعىل تۇركياعا دەمالۋعا كەتىپ قالىپ، ەندى ساياساتپەن قوش ايتىسىپ، «شىعارماشىلىق دەمالىسقا» شىعۋى – ونىڭ تولىق كۇيرەۋىنىڭ (تۇگەلدەي كاپيتۋلياتسيا) كورىنىسى عانا. بولات قانشا ۇمتىلسا دا، ۇلتتىق بۋرجۋازيا اراسىندا دا، قالىڭ قازاقتىڭ الدىندا دا بەدەل جيناي المادى. ءابىلوۆتىڭ التەك-تالتەك ابىرويى حالىقتىڭ كوز الدىندا گەومەتريالىق پروگرەسسيا ادىسىمەن السىرەي بەردى...

قانشا جەردەن «ءىستىڭ ادامى» سانالعانىمەن، بولات ءابىلوۆتىڭ ءوندىرىستى تولىق ۇلتتاندىرۋعا شاما-شارقى جەتپەدى، ياعني، الەمدەگى وركەنيەتتى ەلدەردىڭ التىن قازىعى بولىپ تابىلاتىن «ورتاشا تاپ» ءبىزدىڭ قوعامىمىزدا پايدا بولمادى. ول-ول ما، ورىسقولدى بولاتتىڭ اقىل-پاراساتى حالىقارالىق يمپەرياليزمنىڭ تاۋەلدىلىك تۇجىرىمدارىنان الشاق كەتپەدى. ناعىز دەموكراتيالىق وپپوزيتسيانىڭ پايدا بولىپ، دامۋى ءۇشىن جالعىز-اق جول بار ەدى، ول – ۇلتتىق بوياۋعا قانىق ساياسي راديكالدىق باعىت.

بوكەڭ بۇل باعىتتى بولمىسىمەن تۇسىنبەدى. سوندىقتان، العا باسقان قادامى كەرى كەتە بەردى. مىسالى، رەسمي تىركەۋدەن وتكەن، مورلەرى تايعا تاڭبا باسقانداي قوس ءىرى ساياسي ۇجىم، قۇزىرەتتى قوس قۇرىلىم: «ناعىز اق جول» مەن «ازات» پارتيالارىن ءوز قولىمەن تۇنشىقتىرىپ، ءوز ىرقىمەن جالعىز ءوزى جاۋىپ تاستادى. «ءسوز بوستاندىعى» جونىندە سىلدىر اڭگىمەنى ساپىرىپ ءجۇرىپ، گۇلجان ەرعاليەۆا ەكەۋى دەموكراتيالىق ۇمسىنداعى «سۆوبودا سلوۆا» گازەتىن بيلىككە جاقىن بىرەۋلەرگە پۇلداپ، ەركىن ءسوزدى تۇنشىقتىردى. ءتىپتى، بولات وزىنە قاراستى «قازاقستان» مەن «ەپوحا» باسىلىمدارىنىڭ دا تاعدىرىن تالكەكە سالىپ، تۇبىمەن قۇرتتى...

...مەن 2005 جىلى التىنبەك سارسەنباەۆ، تولەگەن جۇكەەۆ، بولات ءابىلوۆ، وراز جاندوسوۆتار تەڭ توراعالار بولعان «ناعىز اق جول» پارتياسىنىڭ قاراۋىنا ءوزىمنىڭ جەكە «اپتا kz» باسىلىمىمدى ءبىرجولا بەرىپ سول گازەتكە ءوزىم دە قىزمەت ەتتىم. سوندا بۇرىن شەنەۋنىك بولعان، ءالى دە بيلىككە قارسىلىق ارەكەتتى سۋقانى سۇيمەيتىن ءبىر دوسىم: "وسى جىگىتتەردىڭ ىشىندە التىنبەك قانا قازاقى جىگىت، قالعاندارىنىڭ ورىسبايلىقتارى ۇنامايدى. تۇبىندە بۇل پارتيادان، الدىمەن وراز جاندوسوۆ، سوسىن بولات ءابىلوۆ، ءۇشىنشى بولىپ تولەگەن جۇكەەۆ كەتەدى، ءسويتىپ، جالعىز التەكەڭ قالاتىن شىعار..." دەپ ەدى.

قازىر ويلاپ وتىرسام، دوسىمدىكى كورەگەندىك ەكەن. شىندىعىندا،  وراز دا، بولات تا ساياسي كۇرەستەن تايقىپ شىقتى. ەندى تولەگەن اعامىز دا وپپوزيتسيا جاعىندا كوپ جۇرە قويماس... بىراق، «ناعىز اق جولدىڭ» جولىندا مارقۇم التىنبەك سارسەنبايۇلى جانە ونىڭ يدەيالارى عانا قالدى.

Abai.kz

P.S. ماقالا اۆتورى اتاعان تۇلعالار بۇگىنگى قوعامنىڭ ساياسي مازمۇنى تۋرالى پىكىر ءبىلدىرىپ، سۇحبات بەرۋگە تاۋەكەل ەتسە، ەش قارسىلىعىمىزدىڭ جوق ەكەندىگىن ەسكەرتەمىز.