بۇل تۋرالى ءماجىلىس كۋلۋارىندا باس پروكۋروردىڭ ورىنباسارى جاندوس ومىراليەۆ ايتتى. ول سونىمەن قاتار ەكس-مينيستر قۋاندىق بيشىمباەۆتىڭ ۇستالعان تۋىسى جايلى سۇراققا جاۋاپ بەردى، دەپ حابارلايدى Qazaq.today Ulysmedia.kz-كە سىلتەمە جاساپ. 

– ولاردىڭ قالاي تۋىساتىنىن مەن ناقتى ايتا المايمىن. اعاسى ما، ءىنىسى مە دەگەن اقپاراتتى قازىر بەرە المايمىن. بىراق تۋىسقانى ەكەنىن ناقتى. سول كۇنى، وقيعا كەزىندە قاسىندا بولعان.  بىراق وسى اۋىر قىلمىستىڭ جاسالعانى تۋرالى پوليتسيا ورگاندارىنا حابارلاماعان. ول تۋرالى قىلمىستىق كودەكستىڭ جەكە بابى بار. ءتىپتى قىلمىستى جاسىرۋعا تىرىسقان»، - دەدى ول.

ونىڭ سوزىنشە، قىلمىستىق ءىس بويىنشا قازىر بارلىق ءتيىستى ساراپتامالار تاعايىندالعان.

– بۇكىل اقپارات سىزدەرگە بەرىلدى عوي. ەندى مارقۇمنىڭ ولىمىنە الىپ كەلگەن بۇل ارينە قۋاندىق بيشىمباەۆتىڭ ءىس ارەكەتى ەكەنى، زاڭسىز ءىس-ارەكەتتەرىنىڭ ناتيجەسى ەكەندىگى ءسوزسىز. قىلمىستىق ءىستىڭ ناتيجەسى بويىنشا، ساراپتامالار دايىندالعاننان كەيىن تەرگەۋ ورگاندارى قوسىمشا حابارلايدى، - دەدى ول.

جاندوس ومىراليەۆتىڭ سوزىنشە، تەرگەۋ ورگاندارى باستاپقىدا اقپارات بەرمەگەنىمەن، قازىر تولىققاندى تەرگەۋ امالدارى جۇرگىزىلىپ جاتىر.

– تەرگەۋ ورگاندارى ءبىرىنشى كۇنى وسى قىلمىسقا كىنالى ق.بيشىمباەۆ ءوزىنىڭ قۇقىقتارىن پايدالانا وتىرىپ، قانداي دا ءبىر ماعلۇماتتار بەرۋدەن باس تارتىپ وتىرعانىن ايتقانىن بىلەسىزدەر. بۇل ءبىرىنشى كۇندەرى سولاي بولعان. بىراق قازىر قىلمىستىق ءىس ءجۇرىپ جاتىر. باسقا دا ناقتى دەرەكتەر ايتىلعان بولسا،  ونىڭ سۇراتۋ كەرەك، - دەدى جاندوس ومىراليەۆ.

ەسكە سالايىق، بۇرىنعى ەكونوميكا ءمينيسترى قۋاندىق بيشىمباەۆ استاناداعى مەيرامحانالاردىڭ بىرىندە ايەلىن ۇرىپ ءولتىردى دەگەن كۇدىكپەن قاماۋعا الىندى.

قايتىس بولعان سالتانات نۇكەنوۆانىڭ اعاسى قايرات نۇكەنوۆ "بيشىمباەۆتى اقتاۋعا تىرىسقان" بلوگەرلەردى ايىپتاي سويلەپ، ەكس-ءمينيستردى تۋىستارى ەشقاشان كەشىرمەيتىنىن مالىمدەدى.

قىلمىستىق ىسكە پرەزيدەنت قاسىم-جومارت توقاەۆ تا نازار اۋدارىپ، ءىستى ىىم باسشىلىعىنا ەرەكشە باقىلاۋعا الۋدى تاپسىردى.

Abai.kz