ەركە ەرتىستىڭ جاعاسىندا ءداستۇرلى رەسپۋبليكالىق «التىن التاي» ءان مەن بي فەستيۆالى بيىل دا جالعاسىن تاپتى. وسكەمەندەگى امفيتەاتردا وتكەن فەستيۆالعا قاتىسۋشىلار مەن كورەرمەندەردى، قالا قوناقتارىن وبلىس اكىمى بەردىبەك ساپارباەۆ قۇتتىقتادى.

سول كۇنگى كەشتىڭ سالقىندىعىنا، ءتىپتى، سىركىرەي جاۋعان جاڭبىرعا قاراماعان قالا تۇرعىندارى انشىلەردىڭ ونەرىن تاپجىلماي تاماشالادى. قولشاتىرى بارى دا، جوعى دا ونەر دەگەن قۇدىرەتتىڭ ارقاسىندا اۋا رايىنىڭ قولايسىزدىعىن ەلەگەن دە جوق. ءتىپتى، ساحنادا ءان سالىپ جاتقان بيبىگۇل تولەگەنوۆا اپامىزدىڭ ءانى جۇرتتى ەرىكسىز بيگە ءۇيىرىپ اكەتتى. جاستار جاعى وسكەمەنگە اندا-ساندا كەلىپ تۇراتىن الىشەر كارىموۆتىڭ انىنە ەرەكشە قوشەمەت ءبىلدىرىپ جاتتى.

مايرا ءىلياسوۆانىڭ قۇلاق قۇرىشىن قاندىرار اسەم ءانىن تىڭدارمان قاۋىم ەرەكشە ىقىلاسپەن تىڭدادى. ءانشىنىڭ دەلەبەسىن قوزدىرىپ، ارقالاندىراتىن دا وسى حالىقتىڭ قوشەمەتى مەن قۇرمەتى ەمەس پە، مايرا اپامىز جاۋعان جاڭبىرعا دا قاراماي بىرنەشە ءاندى ناقىشىنا كەلتىرىپ ورىندادى. كەشتى جۇرگىزىپ تۇرعان اقىن قالقامان ساريننىڭ تىلگە جەڭىل، جۇرەككە جىلى تيەتىن جىرلارى دا جالىندى شىعىپ جاتتى. سارا توقتامىسوۆا، اينۇر تۇرسىنباەۆا سەكىلدى ايتىستىڭ اقتاڭگەرلەرى وزدەرى تۋعان وڭىرگە جىر شاشۋلارىن الا كەلىپتى. ءانشى مايا بەكباەۆانىڭ اۋەزدى سازدارى دا حالىققا بۇرىننان تانىس. ەرلى-زايىپتى قانات پەن ايتكۇل قۇدايبەرگەنوۆتەردىڭ اندەرى-اي دەسەڭىزشى!

ەركە ەرتىستىڭ جاعاسىندا ءداستۇرلى رەسپۋبليكالىق «التىن التاي» ءان مەن بي فەستيۆالى بيىل دا جالعاسىن تاپتى. وسكەمەندەگى امفيتەاتردا وتكەن فەستيۆالعا قاتىسۋشىلار مەن كورەرمەندەردى، قالا قوناقتارىن وبلىس اكىمى بەردىبەك ساپارباەۆ قۇتتىقتادى.

سول كۇنگى كەشتىڭ سالقىندىعىنا، ءتىپتى، سىركىرەي جاۋعان جاڭبىرعا قاراماعان قالا تۇرعىندارى انشىلەردىڭ ونەرىن تاپجىلماي تاماشالادى. قولشاتىرى بارى دا، جوعى دا ونەر دەگەن قۇدىرەتتىڭ ارقاسىندا اۋا رايىنىڭ قولايسىزدىعىن ەلەگەن دە جوق. ءتىپتى، ساحنادا ءان سالىپ جاتقان بيبىگۇل تولەگەنوۆا اپامىزدىڭ ءانى جۇرتتى ەرىكسىز بيگە ءۇيىرىپ اكەتتى. جاستار جاعى وسكەمەنگە اندا-ساندا كەلىپ تۇراتىن الىشەر كارىموۆتىڭ انىنە ەرەكشە قوشەمەت ءبىلدىرىپ جاتتى.

مايرا ءىلياسوۆانىڭ قۇلاق قۇرىشىن قاندىرار اسەم ءانىن تىڭدارمان قاۋىم ەرەكشە ىقىلاسپەن تىڭدادى. ءانشىنىڭ دەلەبەسىن قوزدىرىپ، ارقالاندىراتىن دا وسى حالىقتىڭ قوشەمەتى مەن قۇرمەتى ەمەس پە، مايرا اپامىز جاۋعان جاڭبىرعا دا قاراماي بىرنەشە ءاندى ناقىشىنا كەلتىرىپ ورىندادى. كەشتى جۇرگىزىپ تۇرعان اقىن قالقامان ساريننىڭ تىلگە جەڭىل، جۇرەككە جىلى تيەتىن جىرلارى دا جالىندى شىعىپ جاتتى. سارا توقتامىسوۆا، اينۇر تۇرسىنباەۆا سەكىلدى ايتىستىڭ اقتاڭگەرلەرى وزدەرى تۋعان وڭىرگە جىر شاشۋلارىن الا كەلىپتى. ءانشى مايا بەكباەۆانىڭ اۋەزدى سازدارى دا حالىققا بۇرىننان تانىس. ەرلى-زايىپتى قانات پەن ايتكۇل قۇدايبەرگەنوۆتەردىڭ اندەرى-اي دەسەڭىزشى!

كونتسەرتتىڭ شىمىلدىعى اشىلار تۇستا قۇتتىقتاۋ ءسوز سويلەگەن وبلىس اكىمى بەردىبەك ساپارباەۆ وسكەمەندىكتەردى مەرەكەلەرىمەن قۇتتىقتادى.

- جىل سايىن ءداستۇرلى تۇردە جالعاسىپ كەلە جاتقان بۇل فەستيۆالدىڭ قالا تۇرعىندارى ءۇشىن بەرەرى مول. التايدىڭ توپىراعىندا تۋعان ونەر يەلەرى مەن فەستيۆال قوناقتارى ەرتىستىڭ جاعاسىنا جىل سايىن ءان مەن جىر سىيلاپ كەتىپ جاتادى. سولاردىڭ ءبىرى - ءبىزدىڭ بيبىگۇل اپامىز. تۋعان جەردى، وتانىمىزدى ءسۇيۋدى ءبىز ءدال وسى بيبىگۇل احمەتقىزىنان ۇيرەنۋىمىز كەرەك. سەبەبى، وڭىرىمىزدە بەس جىل بويى وتكىزىلىپ كەلە جاتقان «تۋعان جەرگە - تاعزىم» اكتسياسىنا جەرلەسىمىز ءتورتىنشى جىل قاتىسىپ كەلە جاتىر. بارلىقتارىڭىزدىڭ ىستەرىڭىزگە ساتتىلىك، جانۇيالارىڭىزعا باقىت تىلەيمىن، - دەدى ايماق باسشىسى.

وڭىرارالىق ينتەگراتسيا باعدارلاماسىنىڭ اياسىندا وتكەن فەستيۆالعا شىعىس قازاقستانمەن قاتار الماتى، قاراعاندى، پاۆلودار وبلىستارىنىڭ تانىمال انشىلەرى دە قاتىستى. مىڭ بۇرالعان بيشىلەر، داۋلەسكەر كۇيشىلەر، اقىندار مەن انشىلەر باس قوسقان ءدۇبىرلى شارا ەكى ساعاتقا سوزىلدى. كونتسەرت ءجۇرىپ جاتقان ارەدىكتە بيبىگۇل تولەگەنوۆا اپامىز بىزگە شاعىن سۇحبات بەرىپ ۇلگەردى. ونىڭ ايتۋىنشا، تۋعان جەر – قاسيەتتى مەكەن، سوندىقتان ونى كوزىڭنىڭ قاراشىعىنداي ساقتاپ، قۇرمەتتەي ءبىلۋىڭ قاجەت.

- مەن بۇگىن ساحنادا ورىنداعان «كوگىلدىر ماگيسترال» ءانىمدى شىعىسقازاقستاندىقتارعا، ونىڭ ىشىندە وسكەمەن قالاسىنىڭ تۇرعىندارىنا ارناپ وتىرمىن. بۇل – بۇقتىرما گەس-ءى سالىنىپ جاتقان كەزدە شىققان ءان ەدى، ول كەزدە ستۋدەنتپىن. مىنە، ارادا 60 جىل ءوتىپتى. شىنىمدى ايتايىن، ءاننىڭ ءبىرىنشى شۋماعىن عانا ەسىمە ارەڭ ءتۇسىردىم، ۇمىتىپ قالعان جەرلەرىن ويدان قۇراپ الۋعا تۋرا كەلدى. بۇل مەنىڭ «التىن التاي» فەستيۆالىنە ارنايى الىپ كەلگەن ەرەكشە سىيلىعىم، - دەدى بيبىگۇل تولەگەنوۆا.

ەكى ساعاتتان استام ەرتىس جاعالاۋىن اسەم انمەن تەربەتكەن كونتسەرت سوڭى مەرەكەلىك وتشاشۋعا ۇلاستى.

"اباي-اقپارات"