2024 – 2026 جىلدارعا ارنالعان رەسپۋبليكالىق بيۋدجەت تۋرالى زاڭدا 2024 جىلعى 1 قاڭتاردان باستاپ مەملەكەتتىك جاردەماقىلار مەن بازالىق زەينەتاقى تولەمدەرىنىڭ بارلىق ءتۇرىن قر ۇلتتىق بانكى ايقىندايتىن ينفلياتسيانىڭ بولجامدى دەڭگەيىنە سايكەس 7 %-عا، ىنتىماقتى زەينەتاقىنى – 9 %-عا، ياعني ينفلياتسيا دەڭگەيىنەن 2%-عا ىلگەرىلەپ ارتتىرۋ كوزدەلگەن.

2024 جىلى بيۋدجەتتەن تولەنەتىن جيىنتىق زەينەتاقىنىڭ ورتاشا مولشەرى (بجزق تولەمدەرىن ەسەپتەمەگەندە) 130 414 تەڭگەنى قۇرايدى (2023 جىلى – 120 838 تەڭگە).

بۇدان باسقا، مەملەكەت باسشىسىنىڭ تاپسىرماسى بويىنشا 2023 جىلدان باستاپ بەس جىل ىشىندە ەڭ تومەن بازالىق زەينەتاقىنى ەڭ تومەن كۇنكورىس دەڭگەيىنىڭ 70 %-نا دەيىن، ەڭ جوعارى – 120 %-عا دەيىن جىل سايىن كەزەڭ-كەزەڭىمەن ارتتىرۋ جۇزەگە اسىرىلادى.

ماسەلەن، 2024 جىلعى 1 قاڭتاردان باستاپ بازالىق زەينەتاقىنىڭ ەڭ تومەن مولشەرى ەڭ تومەن كۇنكورىس دەڭگەيىنەن 60 %-دان 65 %-عا دەيىن ۇلعايتىلاتىن بولادى، بۇل 28 215 تەڭگەنى قۇرايدى، ەڭ جوعارى مولشەرى ەڭ تومەن كۇنكورىس دەڭگەيىنەن 100-دەن 105 %-عا دەيىن ارتتىرىلىپ، 45 578 تەڭگەنى قۇرايدى.

2024 جىلعى 1 قاڭتاردان باستاپ مەملەكەتتىك جاردەماقىلاردىڭ ۇلعايۋىنىڭ بىرنەشە مىسالى:

- 1, 2, 3 بالانىڭ تۋىنا بەرىلەتىن جاردەماقى 131 100 تەڭگەدەن 140 296 تەڭگەگە دەيىن، 4 جانە ودان دا كوپ بالا تۋىنا بەرىلەتىن جاردەماقى – 217 350 تەڭگەدەن 232 596 تەڭگەگە دەيىن ۇلعايادى;

- مولشەرى بالالار سانىنا بايلانىستى كوپبالالى وتباسىلارعا بەرىلەتىن جاردەماقى 4 بالاسى بار وتباسىلار ءۇشىن 55 304 تەڭگەدەن 59 183 تەڭگەگە دەيىن، 10 بالاسى بار وتباسىلار ءۇشىن – 138 000 تەڭگەدەن 147 680 تەڭگەگە دەيىن ۇلعايادى;

- I توپ مۇگەدەكتىگى بار ادامدارعا ارنالعان جاردەماقى 89 248 تەڭگەدەن 95 496 تەڭگەگە دەيىن، II توپ – 71 398 تەڭگەدەن 76 397 تەڭگەگە دەيىن، III توپ – 48 681 تەڭگەدەن 52 089 تەڭگەگە دەيىن ۇلعايتىلادى.

سونداي-اق، مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) اسىراۋشىسىنان ايىرىلۋ جانە ەڭبەككە قابىلەتتىلىگىنەن ايىرىلۋ بويىنشا تولەمدەر 7 %-عا ۇلعايتىلادى. اتالعان تولەمدەر مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا بيۋدجەتتەن بەرىلەتىن مەملەكەتتىك جاردەماقىلارعا قوسىمشا جۇزەگە اسىرادى.

تولەمدەردىڭ مولشەرى جەكە-جەكە جانە مىنالارعا بايلانىستى بولادى: سوڭعى 2 جىلدا ماسق-عا الەۋمەتتىك اۋدارىمدار جۇرگىزىلگەن ورتاشا ايلىق تابىس، ەڭبەككە قابىلەتتىلىگىنەن ايىرىلۋ كوەففيتسيەنتتەرى، اسىراۋىنداعى ادامدار سانى، مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى الماستىرۋ.

Abai.kz