سەيسەنبى, 17 قىركۇيەك 2024
1922 2 پىكىر 29 جەلتوقسان, 2023 ساعات 13:43

ەكس-ادىلەت ءمينيسترى بەكەتاەۆتى قاماقتا ۇستاۋ مەرزىمى ۇزارتىلدى

قر ەكس-ادىلەت ءمينيسترى مارات بەكەتاەۆتى قاماۋدا ۇستاۋ مەرزىمى ءبىر ايعا ۇزارتىلدى.

— استانا قالالىق مامانداندىرىلعان اۋدانارالىق تەرگەۋ سوتى كۇدىكتى م.بەكەتاەۆتى قاماۋدا ۇستاۋ مەرزىمىن 2024 جىلعى 21 قاڭتارىنا دەيىن ۇزارتتى، دەلىنگەن استانا سوتىنىڭ Kazinform ساۋالىنا جاۋابىندا.

سوت قر قىلمىستىق-پروتسەسسۋالدىق كودەكستىڭ 201-بابىنا سايكەس باسقا دەرەكتەردى جاريالاۋعا بولمايتىنىن اتاپ ءوتتى.

بۇعان دەيىن مەملەكەت باسشىسىنىڭ زاڭسىز جولمەن شىعارىلعان اكتيۆتەردى ىزدەۋ جانە قايتارۋ تاپسىرماسىن ورىنداۋ ماقساتىندا بۇرىنعى ادىلەت ءمينيسترى قىزمەتىن اسىرا پايدالاندى دەگەن كۇدىكپەن ۇستالعان بولاتىن.

ۆەدومستۆو اقپاراتى بويىنشا، ول قاجەت ەمەس قىزمەتتەرگە جىل سايىن كەلىسىمشارت ورناتىپ، مەملەكەتكە اسا ءىرى كولەمدە شىعىن كەلتىرگەن.

كەيىنىرەك جەمقورلىققا قارسى كۇرەس اگەنتتىگى ەكس-ادىلەت ءمينيسترى مارات بەكەتاەۆتىڭ ۇستالعانىن راستادى.

باس پروكۋراتۋرا كۇدىكتى قازاقستاننان شىعىپ كەتپەك بولعان جەرىنەن ۇستالعانىن ءمالىم ەتتى.

فوتو: اشىق دەرەككوزدەن

Abai.kz

2 پىكىر