شىعىس قازاقستان وبلىسىنىڭ كۇرشىم اۋدانىندا توتەنشە جاعداي جاريالاندى، دەپ حابارلايدى Ulysmedia.kz.

اۋدانداعى اۋىلداردىڭ 1200-دەن استام تۇرعىنى قار قۇرساۋىندا قالدى. تۇرعىندارعا ازىق-تۇلىك پەن ءدارى-دارمەك تىكۇشاقپەن جەتكىزىلدى، دەپ حابارلايدى وبلىستىق اكىمدىك.

7 قاڭتاردان بەرى كۇرشىم اۋدانىندا قار مەن بوران ۇدەپ تۇر. كەيبىر جەرلەردە قاردىڭ قالىڭدىعى 2 مەترگە جەتتى. مارقاكول جانە توسقايىڭ اۋىلدىق وكرۋگتەرىنىڭ ەلدى مەكەندەرى كولىك قاتىناسىنان اجىراپ قالدى.

"قاردىڭ شامادان كوپ جاۋىپ، بوران بولعاندىقتان ەلدى مەكەندەرگە كولىك قاتىناسى توقتاپ قالدى. كۇرشىم اۋدانىنىڭ اكىمدىگى جەرگىلىكتى اۋقىمداعى تابيعي سيپاتتاعى توتەنشە جاعداي جاريالادى", - دەپ جازدى ۆەدومستۆو.

اۋدانداعى 9 اۋىلعا ءبىر اپتادان بەرى كولىك قاتىناي الماي قالدى. شاناقاتتى اۋىلىندا ەلەكتر جارىعى ءوشىپ قالعان.

"جولدى اشۋعا قوسىمشا تەحنيكا جونەلتىلدى. قازىرگى ۋاقىتتا ارنايى تەحنيكانىڭ 24 بىرلىگى جۇمىلدىرىلعان. الايدا بورانعا بايلانىستى جۇمىس ىستەۋ قيىنداپ تۇر. كۇرشىم اۋدانىنا قاجەتتى كومەك كورسەتۋ ءۇشىن شقو بويىنشا تج دەپارتامەنتىنىڭ جوعارى وتپەلى تەحنيكاسى كەلدى", - دەيدى وبلىستىق اكىمدىكتىڭ ءباسپاسوز قىزمەتى.

جەرگىلىكتى بيلىكتىڭ ايتۋىنشا، قار سۋلى، بۇل تازارتۋ جۇمىستارىن قيىنداتىپ تۇر. مارقاكول جانە توسقايىڭ اۋىلدىق وكرۋگتەرى مەكتەپتەرىنىڭ وقۋشىلارى 8 قاڭتاردان باستاپ قاشىقتان وقىپ جاتىر.

فوتو: شقو تجد

Abai.kz