بىلتىر قاراشادا استانا سوتى ساياساتكەردى 10 جىلعا بوستاندىعىنان ايىرىپ، ءومىر بويى مەملەكەتتىك قىزمەت اتقارۋىنا تىيىم سالعان. اپەللياتسيالىق شەشىمدى سۋديا ن.ە.باياحمەتوۆ شىعارعان.

التاەۆتىڭ اپەللياتسيالىق شاعىمى العاشقى ينستانتسياداعىداي جابىق رەجيمدە ءوتتى. استانا سوتى وكىلىنىڭ ايتۋىنشا، التاەۆ اپەللياتسيالىق سوتقا ونلاين قوسىلعان. سوت وكىلدەرى تاراپتاردىڭ سوتتا كەلتىرگەن دايەكتەرىن كەلتىرمەگەن.

ساياساتكەردىڭ ادۆوكاتى گۇلشات دۇيسەنوۆا ازاتتىققا كاسساتسيالىق تارتىپتە شاعىم تۇسىرەتىنىن ايتتى.

التاەۆ 2023 جىلى ماۋسىمدا قاماۋعا الىنعان. ونىڭ سوتى بىلتىر قازان سوڭىندا باستالدى. "كۋاگەرلەردى قورعاۋ ماقساتىندا" پروتسەسس جابىق ءوتتى. سوتتا "اتامەكەن" ۇلتتىق كاسىپكەرلەر پالاتاسىنىڭ بۇرىنعى جەتەكشىسى ابىلاي مىرزاحمەتوۆ كۋالىك بەرگەن. پروكۋرور التاەۆقا 12 جىل تۇرمە سۇراعان.

العاشقى ينستانتسيادا نۇرجان التاەۆقا 10 جىل تۇرمەدەن بولەك، "مۇلىكتى زاڭسىز يەمدەنگەنى ءۇشىن" ودان مەملەكەت پايداسىنا 50 ملن تەڭگە قاراجات ءوندىرۋدى ۇكىم ەتكەن. بۇرىنعى دەپۋتاتقا بىرنەشە جىل بۇرىن ەڭبەك ءمينيسترىنىڭ ورىنباسارى بولىپ تۇرعان كەزدەگى پارا الدى دەگەن ايىپ تاعىلعان. نۇرجان التاەۆ سوتتا تاعىلعان ايىپتاردى جوققا شىعارىپ، ءوزىن بيلىكتى سىناعانى ءۇشىن قۋدالاپ وتىرعانىن ايتتى.

دەرەككوزى: centralasian.org

Abai.kz