رەسەيدە پرەزيدەنت ۆلاديمير ءپۋتيندى سىناپ، ۋكرايناداعى سوعىسقا قارسى شىققان پەرم قالالىق دۋماسىنىڭ دەپۋتاتى سەرگەي مەدۆەدەۆكە حالىقارالىق ىزدەۋ جاريالاندى، دەپ حابارلايدى Ulysmedia.kz پورتالى رەسەيلىك باق-تارعا سىلتەمە جاساپ.

مەدۆەدەۆ ناقتى قانداي باپ بويىنشا ايىپتالاتىنى حابارلانباعان.

"جاڭا سەرىك" باسىلىمى دەپۋتاتتىڭ رەسەيدەن كەتكەنىن حابارلايدى. دەسە دە، ونىڭ ءالى رەسەيدە ەكەنىن دە جازىپ جاتقان باسىلىمدار بار.

2023 جىلدىڭ 31 جەلتوقسانىندا سەرگەي مەدۆەدەۆ ءوزىنىڭ "ۆكونتاكتە" پاراقشاسىندا ۋكرايناداعى سوعىسقا قارسى شىعىپ، ۆلاديمير ءپۋتيندى "قۇبىجىققا" تەڭەپ، پوست جاريالاعان.

– وسى سوعىستى باستاعان ايۋان ولە قالسىن. قارعىس مىڭداعان ادامنىڭ تاعدىرىنا بالتا شاپقانداردى تاپسىن! رەسەيدىڭ بۇگىنگە قانداي ەلگە اينالىپ كەتكەنىن ەلەستەتۋدىڭ ءوزى قيىن. ءوز اشۋىنان باسى اينالىپ، الدانىپ قالعان جۇرت بۇل! رەسەي، ويان! سەنى ءولتىرىپ جاتىر، – دەپ پوست جازعان بۇعان دەيىن سەرگەي مەدۆەدەۆ.

ەسكە سالا كەتەيىك، رەسەي اسكەرى 2022 جىلدىڭ 22 اقپانىندا ۋكرايناعا بىرنەشە باعىتتا باسىپ كىرگەن ەدى. سودان بەرى ەكى ەل بىتىسپەي سوعىسىپ جاتىر.

تاياۋدا ۋكراينانىڭ سىرتقى ىستەر ءمينيسترى دميتري كۋلەبا باتىس ەلدەرىنىڭ قولداۋى بولماسا دا، ۋكراينا بەرىلمەيتىنىن ەسكەرتكەن ەدى.

Abai.kz