بۇل تۋرالى بريفينگ بارىسىندا قحر اۋرۋلاردى باقىلاۋ جانە الدىن الۋ جونىندەگى مەملەكەتتىك باسقارما وكىلى لەي چجەنلۋن مالىمدەدى، دەپ حابارلايدى Kazinform اگەنتتىگىنىڭ ءتىلشىسى.

ونىڭ ايتۋىنشا، الداعى كوكتەم مەرەكەسى (چۋنتسزە، اي كۇنتىزبەسى بويىشا جاڭا جىلى) كەزىندە ادامداردىڭ كوپ ءجۇرۋىن ەسكەرە وتىرىپ، كوروناۆيرۋسقا شالدىققاندار سانى ارتۋى مۇمكىن دەپ بولجانۋدا.

ونىڭ ايتۋىنشا، 2023 جىلدىڭ قىسى باستالعالى قىتايدا ءبىر مەزگىلدە بىرنەشە پاتوگەن جانە جەدەل رەسپيراتورلىق اۋرۋلار جيىلىگىنىڭ الما-كەزەك اينالىمى بايقالدى.

قازىرگى ۋاقىتتا ەلدە تۇماۋ ەپيدەمياسى ءورشىپ تۇر، ال COVID-19 ۆيرۋسىنا شالدىعۋ كورسەتكىشى تومەن. بۇل رەتتە كوروناۆيرۋستىڭ XBB شتامى باسىم بولىپ وتىر. دەگەنمەن، ەلدە JN.1 شتامىن جۇقتىرۋ جاعدايلارىنىڭ كوبەيۋى بايقالادى.

لەي چجەنلۋننىڭ اتاپ وتۋىنشە، ەلدىڭ دەنساۋلىق ساقتاۋ ورگاندارى شەكارا بەكەتتەرىندە باقىلاۋدى كۇشەيتىپ، حالىقتىڭ وسال توپتارىن COVID-19-عا قارسى ۆاكتسينا ەگەدى.

قحر كولىك مينيسترلىگىنىڭ مالىمەتىنشە، «چۋنيۋن كەزەڭىندە (قىتاي حالقىنىڭ كوكتەمگى مەرەكەگە دەيىنگى، سونىڭ كەزىندە جانە ودان كەيىنگى ماۋسىمدىق كوشى-قون ۋاقىتى) قىتايدا 9 ملرد ساپار جاسالادى.

2024 جىلى «چۋنيۋن» كەزەڭى 26 قاڭتاردا باستالىپ، 5 ناۋرىزدا اياقتالادى.

قىتايدىڭ ءداستۇرلى جاڭا جىلى 10 اقپاندا باستالادى. ال كوكتەم مەرەكەسى 10 اقپاننان 17 اقپانعا دەيىن جالعاسادى.

Abai.kz