2024 جىلعى 1 ناۋرىزدا ساعات 00:00-دەن باستاپ ەلدىڭ بۇكىل اۋماعىندا بىرىڭعاي ۋاقىت بەلدەۋى ورناتىلادى، دەپ حابارلايدى قر ساۋدا جانە ينتەگراتسيا مينيسترلىگىنىڭ ءباسپاسوز قىزمەتى.

وسىلايشا، قازاقستان رەسپۋبليكاسىنىڭ بۇكىل اۋماعىنا 5-ءشى ۋاقىت بەلدەۋى (UTC+5) قولدانىلادى.

«قازاقستان رەسپۋبليكاسىنىڭ اۋماعىنداعى ۋاقىتتى ەسەپتەۋ ءتارتىبى تۋرالى» قازاقستان رەسپۋبليكاسى ۇكىمەتىنىڭ 2000 جىلعى 23 قاراشاداعى N 1749 قاۋلىسىنا ەنگىزىلگەن وزگەرتۋلەرگە سايكەس، «استانا، الماتى قالالارىنىڭ اكىمدىكتەرى، شىمكەنت، اقمولا، الماتى، جامبىل، قاراعاندى، قوستاناي، پاۆلودار، سولتۇستىك قازاقستان، تۇركىستان، شىعىس قازاقستان وبلىستارىندا جانە اباي، جەتىسۋ، ۇلىتاۋ وبلىستارىندا 2024 جىلعى 29 اقپاننان 1 ناۋرىزعا قاراعان ءتۇنى (ساعات 00:00-دە) جەرگىلىكتى ۋاقىتتى 1 ساعاتقا ارتقا قويۋ كەرەك.

بۇگىنگى تاڭدا قازاقستاندا UTC+5 جانە UTC+6 ەكى ۋاقىت بەلدەۋى بار. ەل اۋماعىنىڭ كوپ بولىگى (باتىس وبلىستاردى قوسپاعاندا) UTC+6 ايماعىندا ورنالاسقان.

قاۋلى رەسمي تۇردە جاريالانىپ، 2024 جىلعى 1 ناۋرىزدان باستاپ قولدانىسقا ەنگىزىلەدى.

فوتو: Pixabay.com

Abai.kz