ەكولوگيا جانە تابيعي رەسۋرستار ءمينيسترى ەرلان نىسانباەۆ بۋاز كيىكتەردىڭ اتىلۋىنا پىكىر ءبىلدىردى.

«جالپى اڭداردىڭ كوبى قىركۇيەك پەن قاراشا ارالىعىندا كۇيلەيدى. دۇنيەجۇزىندە جالپى اڭشىلىق كەزەڭى كوپتەگەن اڭداردىڭ كوبەيەتىن كەزىنە ءدوپ كەلەدى. ءبىز بيولوگيالىق، عىلىمي نەگىزدەمە اياسىندا اڭشىلىق جاساپ جاتىرمىز. وسى اقپاننىڭ 20-سىنان باستاپ كيىك اتۋدى توقتاتامىز»، — دەدى ول.

ەرلان نىسانباەۆ 2025 جىلى كيىك سانى 4,5 ملن باستان اساتىنىن ايتادى.

«تەك بۋاز كيىكتى اتىپ جاتىرمىز دەۋگە بولمايدى. وندا ەلىك اتۋدى، ءبارىن توقتاتايىق. جالپى اڭشىلىقتى توقتاتايىق. سول سەبەپتەن، ءار نارسەنى دۇرىس ءتۇسىنۋ كەرەك. ەگەر تەك كيىكتى عانا بۋاز كەزىندە اتىپ جاتساق، ءبىر ماسەلە. مەن دە وعان بارماس ەدىم. ەكىنشىدەن، قازىر 2,5 ملن باس كيىك بار. بۇل ءوزى ءوسىمتال مال. بىلتىر مامىر ايىندا تۋعان ۇرعاشى لاق جەلتوقساندا كۇيلەيدى. سوندا 7 ايدان كەيىن كۇيلەيدى. قاراڭىزدار، بۇگىننىڭ وزىندە 2,5 ملن باس بار. ونىڭ تەرىس ىقپالىن ديقانشىلار كورىپ وتىر. بيىل، كەلەسى جىلى نە بولادى؟ بيىل مامىر ايىندا 40 پايىزى تولدەيدى. ول ۇيدىڭ قويى سياقتى ەمەس. كۇيلىسى عانا تولدەيدى. بيىل 40 پايىز ەسەپپەن العاندا 800 مىڭداي قوسىلادى. سوندا 3,3 ملن باسقا جەتەدى. 2025 جىلى تاعى 1 ملن باس تولدەيدى دەسەك، 4,5 ملن باستان اسىپ كەتەدى»، — دەدى ەرلان نىسانباەۆ.

فوتو: primeminister.kz

Abai.kz