بۇل تۋرالى اشكەرە تەلەگرام ارناسى Axios باسىلىمىنا سىلتەمە جاساپ حابارلادى.

جاڭا ۇسىنىسقا ءتىرى قالعان بارلىق كەپىلگە الىنعان ادامدى بوساتۋ جانە قازا تاپقانداردىڭ دەنەلەرىن بىرنەشە كەزەڭمەن قايتارۋ كىرەدى. ءبىرىنشى كەزەڭدە ايەلدەردى، 60 جاستان اسقان قاريالاردى جانە اۋىر جاعدايدا كەپىلگە الىنعان ادامداردى بوساتۋ ۇسىنىلعان.

كەلەسى كەزەڭدەر اسكەري قىزمەتشى ايەلدەردى، اسكەردە قىزمەت ەتپەيتىن 60 جاسقا دەيىنگى ەركەكتەردى، اسكەري قىزمەتشى ەركەكتەردى بوساتۋدى جانە كەپىلگە الىنعان ادامداردىڭ دەنەلەرىن قايتارۋدى بىلدىرەدى.

يزرايل مەن حاماس سونىمەن بىرگە ءيزرايلدىڭ ءار كەپىلىنە ايىرباستاۋ ءۇشىن قانشا پالەستينالىق تۇتقىن بوساتىلاتىنى تۋرالى الدىن-الا كەلىسۋگە ءتيىس.

كەلىسىم يزرايل اسكەرىن گازا سەكتورىنىڭ نەگىزگى ەلدى مەكەندەرىنەن شىعارىپ، پالەستينالىقتاردى گازا قالاسىنا جانە سەكتوردىڭ سولتۇستىك بولىگىنە قايتارۋدى كوزدەيدى.

فوتو: BBC

Abai.kz