تەكسەرىستەن كەيىن ءتيىستى پروتسەسسۋالدىق شارا قابىلدانادى، دەپ حابارلايدى Ulysmedia.kz.

– ءبىز ول اقپاراتتان حاباردارمىز. سونداي-اق، ارىپتەسىمىز، قوعامدىق كەڭەس مۇشەسى ديدار سماعۇلوۆتىڭ الەۋمەتتىك جەلىدەگى جازباسىن وقىدىق. بۇل فاكتى بويىنشا «ادىلدىك جولى» قوعامدىق بىرلەستىگىنىڭ ارىزىن سىبايلاس جەمقورلىققا قارسى ءىس-قيمىل اگەنتتىگىنىڭ  الماتى قالاسى بويىنشا دەپارتامەنتى تىركەدى. ماتەريالدار وكىلەتتى ورگانعا تەكسەرۋ جۇرگىزۋ ءۇشىن جولداندى. سول تەكسەرۋدىڭ قورىتىندىسى بويىنشا ءتيىستى پروتسەسسۋالدىق شەشىم قابىلدانىپ، باق پەن قوعامعا حابارلانادى، – دەدى بۇگىنگى بريفينگتە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان تىلەۋكەنوۆ.

ءنۇرالى اليەۆتىڭ قانداي قاتىسى بار؟

الماتىنىڭ قۇلاقتاندىرۋ جۇيەسى مەن قازاقستاننىڭ بۇرىنعى پرەزيدەنتىنىڭ جيەنى ءنۇرالى اليەۆتى نە بايلانىستىراتىنى بەلگىلى بولدى. 2022 جىلى توتەنشە جاعدايلار دەپارتامەنتى TNS-INTEC كومپانياسىمەن جەر سىلكىنىسىە ەرتە ەسكەرتۋ جۇيەسىن ورناتۋ تۋرالى كەلىسىم جاساعان.

كومپانيانىڭ قۇرىلتايشىسى - Darmen Holding. سوڭعى يەسى – ءنۇرالى اليەۆ، دەپ جازادى Nege.Aqsha telegram ارناسى.

قول قويىلعان قۇجاتتارعا سايكەس، كومپانيا الماتى اۋماعىندا 28 ستانتسيا ورناتۋى كەرەك ەدى. جوبا بويىنشا ستانتسيالار تجم مەن سەيسمولوگيا ينستيتۋتىنا جەر سىلكىنىسىنىڭ جاقىنداعانى تۋرالى الدىن-الا سيگنال بەرۋى كەرەك بولعان.

فوتو: ratel.kz

Abai.kz