ەلىمىزدە 2 098 ادام حابار-وشارسىز جوعالىپ كەتكەن، 10 178 ادام ىزدەستىرىلۋ ۇستىندە. بۇل تۋرالى دەرەكتى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى بەردى.

جوعالعان ادامداردىڭ كوپ بولىگى الماتى قالاسىندا — 278 ادام، سودان سوڭ قاراعاندى — 217, پاۆلودار — 170, الماتى وبلىستارىندا — 152 ادام تىركەلگەن.

ۇيدەن كەتىپ، ورالماعان — 1 572 ادام، اۆتوكولىكپەن جوعالعان — 73, جۇمىستان كەتكەن — 38 ادام دەرەكسىز.

«كوبىنەسە 30-49 جاس ارالىعىنداعى ەر ادامدار ءارتۇرلى جاعدايلاردا جوعالادى (77%). سونداي-اق، ەلدە تەرگەۋ مەن سوتتان جاسىرىنعان 2 378 ادام ىزدەستىرىلۋدە. ىزدەۋدە جۇرگەندەر نەگىزىنەن 31 مەن 40 جاس ارالىعىنداعى ەر ادامدار (89%). ولاردىڭ ەڭ كوپ سانى الاياقتىق (526), ۇرلىق (309) جانە ادام ءولتىرۋ (143) دەرەگى بويىنشا:

الماتى قالاسىندا (496), استانا قالاسىندا (183), شىمكەنت قالاسىندا (149), الماتى (164), قاراعاندى (148) وبلىستارىندا ىزدەستىرىلۋدە»، — دەپ جازدى باقىلاۋشى ورگاننان.

فوتو: egemen.kz

Abai.kz