مەملەكەت جانە قوعام قايراتكەرى، نۇرسۇلتان نازارباەۆتىڭ بۇرىنعى كەڭەسشىسى ەرمۇحامبەت ەرتىسباەۆ ءوزىنىڭ YouTube-ارناسىندا ناتو رەسەيگە سوعىس اشۋى مۇمكىن دەپ بولجادى.

«ناتو-نىڭ قىرعيقاباق سوعىستان كەيىنگى ەڭ ءىرى جاتتىعۋى باستالدى. ناتو رەسەيگە شابۋىل جاساۋى مۇمكىن. الايدا بۇل ۇيىم مۇنى اشىق ايتپايدى. ەڭ باستى ستراتەگيالىق اليانس قۇجاتىندا رەسەي ناتو-عا مۇشە ەلدەرگە تىكەلەي قاۋىپ توندىرەتىن ەل قاتارىنا جاتقىزىلعان. ال گەرمانيانىڭ قورعانىس ءمينيسترى بوريس پيستوريۋس ءوز سوزىندە رەسەي تاراپىنان بولاتىن شابۋىلعا دايىن بولۋ قاجەتتىگىن ايتقان. ناتو بالتىق جاعالاۋى ەلدەرى، پولشا، باتىس بالقان، مولداۆيا شەكاراسىنداعى ىستىق نۇكتەدە ءىرى وقۋ-جاتتىعۋ وتكىزەيىن دەپ جاتىر. بۇل جاي ەمەس، 90 مىڭ سارباز، 31 مەملەكەت، 50 كەمە، 80 جاۋىنگەرلىك ۇشاق،133 تانك ت.ب. قاتىساتىن وقۋ-جاتتىعۋ مامىر ايىنا دەيىن سوزىلادى»،- دەيدى ە. ەرتىسباەۆ.

فوتو: knews.kg

Abai.kz