"مااريۆ" گازەتىنىڭ جازۋىنشا، حاماس توبى ازىرگە بۇل ۇسىنىسقا جاۋاپ بەرمەگەن.

ۇسىنىلعان جوسپارعا سايكەس، گازا سەكتورىندا يزرايل قورعانىس ارمياسى جۇرگىزىپ جاتقان سوعىس وپەراتسياسىن توقتاتۋى ءتيىس. يزرايل سونىمەن بىرگە بەيبىت تۇرعىندارعا گۋمانيتارلىق كومەك جەتكىزۋگە مۇمكىندىك بەرۋى ءتيىس. سونىمەن بىرگە پالەستينالىق تۇتقىنداردى بوساتۋى ءتيىس. ال حاماس بىلتىر 7 قازاندا شابۋىل كەزىندە كەپىلگە الىنعان ادامداردى بىرتىندەپ بوساتۋى كەرەك.

ەگەر كەلىسىم جۇزەگە اسسا، كەپىلدەگى 100 ادام ۇيىنە ورالۋى ءتيىس. The Wall Street Journal مالىمەتىنشە، كەلىسىمگە سايكەس، الدىمەن بالالار مەن ايەلدەر، قاريالار بوساتىلۋى ءتيىس. سوسىن تۇتقىنداعى اسكەريلەر بوساتىلىپ، ولگەن ادامداردىڭ دەنەسى جەرلەنۋگە بەرىلۋى كەرەك. بۇدان بولەك سوعىستى مۇلدەم توقتاتۋ جونىندە دە كەلىسسوز جالعاسىپ جاتىر.

پاريجە ءوتىپ جاتقان كەلىسسوزگە ءيزرايلدىڭ "موسساد" ارنايى قىزمەتىنىڭ باسشىسى، ورتالىق بارلاۋ باسقارماسى باسشىسى جانە حاماس توبىمەن بايلانىس ورناتىپ وتىرعان كاتار مەن ەگيپەت وكىلدەرى قاتىسىپ جاتىر.

فوتو: Zakon.kz

Abai.kz