كەيىنگى ۋاقىتتا قازاقستاندا شەتەلدىك باق وكىلدەرىن تىركەۋدى زاڭنامالىق تۇرعىدا رەتتەۋگە قاتىستى ءتۇرلى پىكىر  ايتىلىپ، ونى  رەزونانستىق تاقىرىپقا دەيىن جەتكىزۋ ارەكەتى بايقالىپ وتىر.  قازاقستان مەديا اليانسى ءوز تاراپىنان  بۇل جاعدايدان قانداي دا ءبىر استار ىزدەۋ ورىنسىز دەپ سانايدى.  شەتەلدىك باق-تىڭ قىزمەتى جايلى تالاپتىڭ زاڭناما تۇرعىسىنان قارالىپ وتىرعانى الەمدىك تاجىريبە. كەز كەلگەن ەلدىڭ اقپاراتتىق قاۋىپسىزدىگى جولىنداعى جاسايتىن پروتسەدۋراسى.

قازىرگى ۋاقىتتا ەلىمىزدە  الەمنىڭ 15 ەلىنەن  شەتەلدىك 39 باق اككرەديتتەۋدەن ءوتىپ،  ولاردىڭ 160 ءجۋرناليسى ەلىمىزدە قىزمەت ەتىپ وتىر. بۇل دەگەنىمىز - قازاقستاندا شەتەلدىك باق-تىڭ جۇمىس ىستەۋىنە قانداي دا ءبىر شەكتەۋ جوقتىعىنىڭ بىردەن-ءبىر كورىنىسى.

ايتا كەتەيىك،  قازاقستاندا شەتەلدىك باق-تى تىركەۋدە الدىن الا حابارلاۋ  مەحانيزمى عانا قولدانىلىپ كەلەدى. كوپ جاعدايدا شەتەلدىك جۋرناليستەر تاراپىنان قازاقستان زاڭناماسىن بۇزۋ جاعدايلارى ءجيى كەزدەسىپ تۇراتىنىن دا ايتا كەتكەن ءجون. ال الەمدىك تاجىريبەگە قارار بولساق، ەگەر شەتەلدىك باق وكىلدەرى جەرگىلىكتى زاڭنامانى بۇزعان جاعدايدا ءتىپتى اكرەديتاتسيانى قايتارىپ الۋ مەحانيزمى بار. ماسەلەن، اقش پەن تۇركيادا اككرەديتاتسيانى قايتارىپ الۋمەن قاتار، سول ەلدە جۋرناليستىك قىزمەتتى جالعاستىرۋعا تىيىم بار. ءار ەل ءوزىنىڭ زاڭناماسىندا شەتەلدىك باق وكىلدەرىنىڭ قىزمەتىن رەتتەۋ نورمالارىن الدەقايدا قاراستىرعان.

جالپى شەتەلدىك باق وكىلدەرىنىڭ وزگە ەلدە قىزمەتىن جۇرگىزۋ ءۇشىن تىركەۋگە الۋ كەڭ تارالعان الەمدىك تاجىريبە. باسقاسىن ايتپاعاندا، الەمنىڭ وزىق ەلدەرى اقش، گەرمانيا، ۇلىبريتانيا، سينگاپۋر، مالازيا سىندى ەلدەردە دە وسى تاجىريبە زاڭ جۇزىندە بەكىتىلىپ، قولدانىلىپ كەلەدى، ال شەتەلدىك باق وكىلدەرىنە ءار ەلدىڭ قويار تالابى قاتاڭ.

ال ەندى قازاقستاندا  تىركەۋگە الىنباعان شەتەلدىك باق وكىلدەرىنىڭ جۇمىسىن  زاڭ جۇزىندە رەتتەۋ وسى الەمدىك تاجىريبەگە ساي جاسالىپ وتىرعان قالىپتى جاعداي.  قازاقستان مەديا اليانسى  تىركەۋگە الىنباعان شەتەلدىك باق وكىلدەرىنىڭ قىزمەتىن  زاڭنامادا رەتتەۋدەن قاندايدا ءبىر تەرىس ارەكەت نە شەكتەۋ كورۋ الەمدىك تاجىريبەدەن حابارسىزدىق دەپ ويلايمىز.

قازاقستان مەديا اليانسى

Abai.kz