سەنات سپيكەرى ماۋلەن اشىمباەۆ قازاقستانداعى ازاتتىق راديوسىنىڭ جۋرناليستەرىن اككرەديتتەۋدەن باس تارتۋ تۋرالى پىكىر ءبىلدىردى، دەپ حابارلايدى Ulysmedia.kz.

ماۋلەن اشىمباەۆ قازاقستاندا ءسوز بوستاندىعى قامتاماسىز ەتىلگەنىن ايتادى.

سىزدەر ەلىمىزدەگى باق-قا بارلىق جاعداي جاسالىپ جاتقان پروتسەستىڭ كۋاسى، قاتىسۋشىلارىسىزدار. سوڭعى بىرنەشە جىلدا باق ەلدەگى جاعدايدى ەمىن-ەركىن جازىپ، مەملەكەتتىك قىزمەتكەرلەردى، باسشىلاردى سىنايتىنىن بىلەسىزدەر. وسىعان بايلانىستى باق قىزمەتىنە ەشقانداي شەكتەۋلەر جوق. قازاقستاندا باق جۇمىسى ءۇشىن قاجەتتى زاڭنامالىق بازا جاسالدى.ال وسىعان وراي، ازاتتىق تۋرالى ايتاتىن بولساق، ماسەلە سىرتقى ىستەر مينيسترلىگىنە قاتىستى. سىرتقى ىستەر مينيسترلىگىنىڭ حابارلاۋىنشا، مۇنداي شەشىم «ازاتتىق راديوسىنىڭ رەداكتورلارى مەن جۋرناليستەرىنىڭ قازاقستان رەسپۋبليكاسىنىڭ زاڭناماسىن بىرنەشە رەت بۇزعانى» نەگىزىندە قابىلدانعان، - دەدى ول.

اتاپ ايتقاندا، سەنات سپيكەرىنىڭ ايتۋىنشا، ازاتتىق قازاقستان اۋماعىنداعى شەتەلدىك باق وكىلدىكتەرى مەن ولاردىڭ جۋرناليستەرىنىڭ قىزمەتى تۋرالى ەرەجەنى بۇزعان.

ياعني، كەيبىر جۋرناليستەر مەن رەداكتسيا قىزمەتكەرلەرىنىڭ زاڭدى بۇزۋى سالدارىنان وسىنداي شەشىم قابىلداندى. مۇنداي شەشىمنىڭ ناقتى اسپەكتىلەرى تۋرالى تولىعىراق اقپارات الۋ ءۇشىن سىرتقى ىستەر مينيسترلىگىنە حابارلاسۋ قاجەت، - دەدى ول.

ماۋلەن اشىمباەۆ سونداي-اق قازىر ماجىلىستە قارالىپ جاتقان باق تۋرالى زاڭدا زاڭناما بۇزىلعان جاعدايدا شەتەلدىك باق-تى اككرەديتتەۋدەن باس تارتۋعا بولاتىن نورمالار قاراستىرىلعانىن ايتتى. اتاپ ايتقاندا، «قازاقستان رەسپۋبليكاسىنداعى قاۋىپسىزدىككە نۇقسان كەلتىرەتىن، ەلدىڭ قاۋىپسىزدىگىنە قاتەر توندىرەتىن نەمەسە كونستيتۋتسيالىق قۇرىلىستى وزگەرتۋگە شاقىراتىن ۇندەۋلەرى ءۇشىن» شەتەلدىك باق اككرەديتتەۋدەن باس تارتىلۋى مۇمكىن.

وسىنداي اۋىر قۇقىق بۇزۋشىلىقتار تۋرالى ايتىپ وتىرمىز. بىراق، قالاي بولعاندا دا، بۇل زاڭ جوباسى، ول تالقىلانىپ جاتىر، سوندىقتان سىزدەردىڭ دە جۇمىس توپتارىنا قاتىسۋعا، كەيبىر ۇسىنىستاردى ەنگىزۋگە قۇقىعىڭىز بار. بۇل زاڭ جوباسى ماجىلىستە، سەناتقا تۇسكەن جوق، - دەپ اتاپ ءوتتى اشىمباەۆ.

سەنات سپيكەرى بۇل باق-تى جابۋ ەمەس ەكەنىن باسا ايتتى.

فوتو: ەگەمەن قازاقستان

Abai.kz